ମୁମ୍ବାଇ: ମେଗାଷ୍ଟାର ଅମିତାଭ ବଚ୍ଚନ ଏବେ ଲୋକପ୍ରିୟ ପ୍ରଶ୍ନ-ଉତ୍ତର କାର୍ଯ୍ୟକ୍ରମ 'କୌନ ବନେଗା କରୋଡ଼ପତି-୧୬'ର ଉପସ୍ଥାପନା କରୁଛନ୍ତି | ଅନେକ ସମୟରେ ଏହି ସୋ'କୁ କଳାକାରମାନେ ନିଜ ଫିଲ୍ମର ପ୍ରଚାର କରିବାକୁ ଆସୁଥିବା ଦେଖିବାକୁ ମିଳେ | ବିଗ୍ ବିଙ୍କ ପୁଅ ଅର୍ଥାତ୍ ଅଭିନେତା ଅଭିଷେକ ବଚ୍ଚନ ମଧ୍ୟ ଏହି ସୋ'କୁ ନିଜ ଫିଲ୍ମ 'ଆଇ ୱାଣ୍ଟ ଟୁ ଟକ'ର ପ୍ରଚାର କରିବାକୁ ଆସିଥିଲେ। ଫିଲ୍ମର ପ୍ରଚାର ସହ ସେ ଅମିତାଭ ବଚ୍ଚନଙ୍କ ଅନେକ ରହସ୍ୟ ଦର୍ଶକଙ୍କ ସହ ସେୟାର କରିଥିଲେ | 

Advertisment

ସୋ'ର ଏକ ପ୍ରୋମୋ ଏବେ ଭାଇରାଲ ହେଉଛି ଯେଉଁଥିରେ ଅମିତାଭ ଏବଂ ଅଭିଷେକଙ୍କୁ ପଚରାଯାଉଛି ଯେ ଦୁହିଁଙ୍କ ମଧ୍ୟରେ କିଏ ଭଲ କାର ଚଳାନ୍ତି | ପ୍ରଶ୍ନ ଶୁଣି ବିଗ୍ ବି ନିଜ ହାତ ଟେକୁଛନ୍ତି | ଏହା ଦେଖି ଅଭିଷେକ କହୁଛନ୍ତି , ବାପା କମ ଗାଡି ଚଳାନ୍ତି ଏବଂ ଗାଡି ଚଳାଉଥିବା ଲୋକକୁ ଅଧିକ ବାଧା ଦିଅନ୍ତି | ଯଦି କେହି ରାସ୍ତାରେ ଭୁଲ୍ ପାର୍ଶ୍ୱରେ ଯାଉଥିବାର କିମ୍ବା ନିୟମ ଭାଙ୍ଗୁଥିବାର ସେ ଦେଖନ୍ତି ତୁରନ୍ତ ଫଟୋ ଉଠାଇ ଦିଅନ୍ତି | ଟ୍ରାଫିକ୍ ପୁଲିସକୁ ପଠାଇବେ ବୋଲି ସେ ଫଟୋ ଉଠାନ୍ତି। ହେଲେ ଲୋକ ଭାବନ୍ତି ଅମିତାଭ ବଚ୍ଚନ ତାଙ୍କ ସହ ସେଲଫି ନେଉଛନ୍ତି | ଏହି କାହାଣୀ ଶୁଣିବା ପରେ ସୋ’ରେ ଉପସ୍ଥିତ ଲୋକେ  ଜୋରରେ ହସିବାକୁ ଲାଗୁଛନ୍ତି |