ମାଆ ବନିବାକୁ ଥିବା ଦୀପିକା ପାଦୁକୋନ୍‌ଙ୍କର ରାତ୍ର ଭୋଜନ ପାଇଁ ବାହାରକୁ ଯିବା ବେଳର ଭିଡିଓ ଭାଇରାଲ୍‌

ନୂଆଦିଲ୍ଲୀ: ଅଭିନେତା-ସ୍ୱାମୀ ରଣବୀର ସିଂଙ୍କ ସହ ତାଙ୍କର ପ୍ରଥମ ସନ୍ତାନକୁ ଆଶା କରୁଥିବା ଦୀପିକା ପାଦୁକୋନ ଗତକାଲି ରାତିରେ ମୁମ୍ବାଇରେ ରାତ୍ରୀ ଭୋଜନ ପାଇଁ ବାହାରକୁ ବାହାରିଥିବାର ଏକ ଭିଡିଓ ଏବେ ଇଣ୍ଟର୍‌ନେଟ୍‌ରେ ଭାଇରାଲ୍‌ ହେଉଛି।

ଅଭିନେତ୍ରୀ ତାଙ୍କ ମା ଉଜ୍ବଳା ପାଦୁକୋନଙ୍କ ସହ ନଜର ଥିଲେ। ଦୀପିକା ପାଦୁକୋନ୍ ଏକ କଳା ଗାଉନ୍‌ ପିନ୍ଧିଥିବା‌ ବେଳେ ଡେନିମ୍ ଜ୍ୟାକେଟ ଓ ଧଳା ଜୋତାରେ ବେଶ୍‌ ଆକର୍ଷଣୀୟ ଦିଶୁଥିଲେ।

ଦୀପିକା ପାଦୁକୋନ ଏବଂ ରଣଭୀର ସିଂ ସେମାନଙ୍କର ପ୍ରଥମ ସନ୍ତାନ ଆସିବାକୁ ନେଇ ବେଶ୍‌ ଉତ୍ସାହିତ ଅଛନ୍ତି। ଗତ ଫେବ୍ରୁଆରି ୨୯ ତାରିଖରେ ଏକ ଇନଷ୍ଟାଗ୍ରାମ ପୋଷ୍ଟରେ ସେମାନେ ସେମାନଙ୍କର ପ୍ରଥମ ସନ୍ତାନକୁ ଆଶା କରୁଛନ୍ତି ବୋଲି ଘୋଷଣା କରିଥିଲେ।

ଗତ ସପ୍ତାହରେ, ଦୀପିକା ପାଦୁକୋନ ଇନଷ୍ଟାଗ୍ରାମରେ ସୁଟିଂ ସେଟ୍‌ରୁ ଏକ ଫଟୋ ସେୟାର କରିଥିଲେ। ୨୦୧୮ ମସିହାରେ ଦୀପିକା ପାଦୁକୋନ ଏବଂ ରଣବୀର ସିଂଙ୍କର ଦୁଇଟି ବିବାହ ସମାରୋହ ହୋଇଥିଲା। ପ୍ରଥମେ ସେମାନେ ଇଟାଲିରେ ବିବାହ କରିଥିବା ବେଳେ ପରେ ସେମାନେ ବେଙ୍ଗାଲୁରୁ ଏବଂ ମୁମ୍ବାଇରେ ଗ୍ରାଣ୍ଡ ରିସେପ୍ସନ୍ ଆୟୋଜନ କରିଥିଲେ।

ରଣଭୀର ସିଂ ଏବଂ ଦୀପିକା ପାଦୁକୋନ୍ ୨୦୧୨ ମସିହାରେ ଡେଟିଂ ଆରମ୍ଭ କରିଥିଲେ। ସେମାନେ ୨୦୧୫ ମସିହାରେ ଗୁପ୍ତ ଭାବରେ ପରସ୍ପରଙ୍କ ସହ ନିର୍ବନ୍ଧ କରି ଦେଇଥିଲେ।ସେମାନେ ଗତ ବର୍ଷ କରଣ ଜୋହରଙ୍କ ଚାଟ୍ ସୋ’  ‘କଫି ୱିଥ୍ କରନ୍ ୮’ ସେମାନଙ୍କ ଜୀବନକୁ ନେଇ ଅନେକ କଥା ପ୍ରକାଶ କରିଥିଲେ।