ବଲିଉଡର ଆଉ ଜଣେ ଅଭିନେତା କରୋନା ସଂକ୍ରମିତ
ମୁମ୍ବାଇ: ବଲିଉଡ ଅଭିନେତା ହର୍ଷବର୍ଦ୍ଧନ ରାଣେ କୋଭିଡ-୧୯ରେ ସଂକ୍ରମିତ ହୋଇଛନ୍ତି। କରୋନା ପଜିଟିଭ ଚିହ୍ନଟ ହେବା ପରେ ହର୍ଷବର୍ଦ୍ଧନ ହୋମ୍ କ୍ଵାରେଣ୍ଟାଇନରେ ଅଛନ୍ତି।
Tested Corona Positive pic.twitter.com/nlXa7IAc3w
— Harshvardhan Rane (@harsha_actor) October 5, 2020
ଏଥିସହିତ ଅଭିନେତା ହର୍ଷବର୍ଦ୍ଧନ ଶୀଘ୍ର ସୁସ୍ଥ ହୋଇ ଫେରିଲେ ତାଙ୍କ ପ୍ରଶଂସକମାନଙ୍କୁ ଏକ ଭଲ ଖବର ଦେବେ ବୋଲି କହିଛନ୍ତି।
ଏପର୍ଯ୍ୟନ୍ତ ବଲିଉଡରେ ଅନେକ କରୋନା ମାମଲା ସାମ୍ନାକୁ ଆସିଛି। ଅମିତାଭ ବଚ୍ଚନ ଏବଂ ତାଙ୍କ ପରିବାରଠାରୁ ଆରମ୍ଭ କରି ମଲାଇକା ଆରୋରା, ତମନ୍ନା ଭାଟିଆ, ଅର୍ଜୁନ କପୁର, ଆଫତବ ଶିବଦାସାନି, ଜେନେଲିଆ ଡି’ସୁଜା, କିରଣ କୁମାର ପର୍ଯ୍ୟନ୍ତ ବହୁ ସେଲିବ୍ରିଟି କରୋନାରେ ଆକ୍ରାନ୍ତ ହୋଇଥିବା ସୂଚନା ମିଳିସାରିଛି।