ଓଡ଼ିଆ ଚଳଚ୍ଚିତ୍ର ଦୁନିଆର ପରିଚିତ ନାମ ଅନୁ ଚୌଧୁରୀ। ବଡ଼ ପରଦାରେ ହସାଉଥିବା ଓ କନ୍ଦାଉଥିବା ଏହି ଅଭିନେତ୍ରୀ ଏବେ ଟେଲିଭିଜନ୍ରେ ଦେଖିବାକୁ ମିଳିବେ। ଦୁଇ ଦଶନ୍ଧି ଧରି ଅନ୍ୟୂନ ୬୫ଟି ଓଡ଼ିଆ ଚଳଚ୍ଚିତ୍ରରେ ଅଭିନୟ କରିଛନ୍ତି ଅନୁ। ତାଙ୍କ ସୁନ୍ଦର ଅଭିନୟ ଓ ନୃତ୍ୟରେ ଦର୍ଶକ ମନ୍ତ୍ରମୁଗ୍ଧ ହେଇଛନ୍ତି। ସେ କେବଳ ଓଲିଉଡ୍ରେ ଅଭିନୟ କରିନାହାନ୍ତି, ବଙ୍ଗାଳୀ, ତେଲୁଗୁ ଏବଂ ହିନ୍ଦୀ ଫିଲ୍ମରେ ମଧ୍ୟ ଦର୍ଶକ ତାଙ୍କ ଅଭିନୟ ଦେଖିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଗ୍ଲାମର ଶିଳ୍ପରେ ବେଶ୍ ସୁନାମ ଅର୍ଜନ କରିଥିବା ଅନୁଙ୍କୁ ୨୦୦୫ ମସିହାରେ ‘ଶାଶୂଘର ଚାଲିଯିବି’ ଚଳଚ୍ଚିତ୍ରରେ ଆକର୍ଷଣୀୟ ଅଭିନୟ ପାଇଁ ମିଳିଥିଲା ଓଡ଼ିଶା ରାଜ୍ୟ ଚଳଚ୍ଚିତ୍ର ଶ୍ରେଷ୍ଠ ଅଭିନେତ୍ରୀ ପୁରସ୍କାର। ଅନୁ ଏବେ ଜୀ ସାର୍ଥକର ମେଗା ଧାରାବାହିକ ‘ସର୍ବଜିତା ଅନୁ’ରେ ମୁଖ୍ୟ ଭୂମିକାରେ ଆସୁଛନ୍ତି। ଆଗରୁ ‘କେମିତି କହିବି କହ’ରେ ସୁପରଷ୍ଟାର ସିଦ୍ଧାନ୍ତ ଓ ‘ଦାଦାଗିରି’ରେ ଅନୁଭବଙ୍କ କରିସ୍ମା ଦେଖିବା ପରେ ଏବେ ‘ସର୍ବଜିତା ଅନୁ’ରେ ଦର୍ଶକ ଦେଖିବେ ଅନୁ ଚୌଧୁରୀଙ୍କୁ। ଆସନ୍ତା ୧୪ ତାରିଖରୁ ସନ୍ଧ୍ୟା ୮ଟାରେ ଏହି ମେଗା ଧାରାବାହିକ ପ୍ରସାରିତ ହେବ।