ବିଶ୍ୱ ଫଟୋଗ୍ରାଫି ଦିବସରେ ରଣବୀର ସିଂଙ୍କ ପରିବର୍ତ୍ତେ ରଣବୀର କପୁରଙ୍କ ସହ ଫଟୋ ସେୟାର କରିବାରୁ ରାଗିଗଲେ ଦୀପିକାଙ୍କ ପ୍ରଶଂସକ
ମୁମ୍ବାଇ : ନଭେମ୍ବର ୨୦ରେ ଦୀପିକା ଏବଂ ରଣବୀର ସିଂଙ୍କ ବିବାହକୁ ନେଇ ଚର୍ଚ୍ଚା ହେଉଥିବା ବେଳେ ଏବେ ଦୀପିକା ଇନ୍ଷ୍ଟାରେ ସେୟାର କରିଥିବା ଫଟୋକୁ ନେଇ ଚର୍ଚ୍ଚା ଆରମ୍ଭ ହୋଇଛି । ଓ୍ଵାର୍ଲଡ଼୍ ଫଟୋଗ୍ରାଫି ଡେରେ ଦୀପିକା ରଣବୀର ସିଂଙ୍କ ପରିବର୍ତ୍ତେ ରଣବୀର କପୁରଙ୍କ ସହ ଫଟୋ ଅପ୍ଲୋଡ଼ କରିଥିଲେ । ପରେ ତାଙ୍କୁ ଇନ୍ଷ୍ଟାଗ୍ରାମ୍ରେ ତାଙ୍କ ପ୍ରଶଂସକମାନେ ଟ୍ରୋଲ କରିବା ଆରମ୍ଭ କରିଥିଲେ । ଏହି ଫଟୋ ୨୦୧୫ର ବୋଲି ଜଣା ପଡ଼ିଥିବା ବେଳେ ଫିଲ୍ମ ‘ତମାସା’ର ସୁଟିଂ ସମୟରେ ନିଆଯାଇଥିବା ଜାଣିବାକୁ ମିଳିଛି । ଏହି ଫଟୋରେ ଦୀପିକା ରଣବୀରଙ୍କ ଫଟୋ ଉଠାଉଥିବାର ଦେଖାଯିବା ସହ ଏହି ଫଟୋ ପାଇଁ ତାଙ୍କୁ ପ୍ରଶଂସକଙ୍କ ଗାଳିର ସାମ୍ନା କରିବାକୁ ପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ଜଣେ ବ୍ୟବହାରକାରୀ, ତୁମେ ପୂର୍ବ ପ୍ରେମିକଙ୍କ ସହ ଫଟୋ ପୋଷ୍ଟ କରିବାରେ ଏବେ ବି କିଛି କାରଣ ଅଛି କି? ରଣବୀର କପୁର ତୁମକୁ ତାଙ୍କ ଜୀବନରୁ କାଢ଼ି ଭଲ କରିଛନ୍ତି । ଏହା ସହ ଅନ୍ୟ ଜଣେ ବ୍ୟବହାରକାରୀ ମୁଁ ତୁମକୁ ଘୃଣା କରୁଛି, ତୁମେ ଏବେ ବି ତୁମ ପ୍ରଥମ ପ୍ରେମକୁ କାହିଁକି ଖୋଜୁଛ ବୋଲି ଲେଖିଥିଲେ । ଏଭଳି ଅନେକ କମେଣ୍ଟ ଦୀପିକାଙ୍କ ଏହି ଫଟୋକୁ ନେଇ କରାଯାଇଥିଲା । ଅନ୍ୟ ପକ୍ଷରେ ବ୍ୟବହାରକାରୀଙ୍କ ଏଭଳି କମେଣ୍ଟକୁ ନେଇ ଦୀପିକା କୌଣସି ପ୍ରତିକ୍ରିୟା ରଖି ନଥିବା ଜଣା ପଡ଼ିଛି ।