ମଡେଲ୍‌ରୁ ଅଭିନେତ୍ରୀ ‘ସୁସ୍ମିତା ପ୍ରଧାନ’

ପ୍ରଥମେ ମଡେଲିଂ ଆଉ ଏବେ ବଡ଼ପରଦାରେ ପ୍ରବେଶ କରିଛନ୍ତି ସୁସ୍ମିତା। ସୁସ୍ମିତା ପ୍ରଧାନ ବାଣିଜ୍ୟରେ ସ୍ନାତକୋତ୍ତର କରିଛନ୍ତି। ଏଫବିବି ତରଫରୁ ଆୟୋଜିତ ‘ରୂପଶ୍ରୀ ରଜ’ କାର୍ଯ୍ୟକ୍ରମରେ ଅଂଶଗ୍ରହଣ କରି ସେ ନିଜ ଦକ୍ଷତା ପ୍ରଦର୍ଶନ କରି ପୁରସ୍କୃତ ହେଇଥିଲେ। ଫଟୋ ସୁଟ୍, ଫ୍ୟାସନ୍ ଡିଜାଇନରମାନଙ୍କୁ ସହଯୋଗ କରିବା, ଫ୍ୟାସନ୍ ଇନଷ୍ଟିଚ୍ୟୁଟରେ ନୂଆପିଢ଼ିର ମଡେଲମାନଙ୍କୁ ସୁନ୍ଦରୀ ପ୍ରତିଯୋଗିତା ପାଇଁ ତାଲିମ ଦେଇ ପ୍ରସ୍ତୁତ କରିବା ଭଳି କାମରେ ପ୍ରାୟ ସମୟ ସେ ନିଜକୁ ନିୟୋଜିତ ରଖିଛନ୍ତି। ଏହା ବ୍ୟତୀତ ବହି ପଢ଼ିବା ଓ ନୃତ୍ୟାଭିନୟରେ ତାଙ୍କର ଅଧିକ ରୁଚି ରହିଛି।

ଭଞ୍ଜନଗର ଝିଅ ସୁସ୍ମିତା ଏହା ଭିତରେ ‘କଟକ ୱେଡସ ସମ୍ବଲପୁର’ ଚଳଚ୍ଚିତ୍ରର ନାୟିକା ସାଜି ଦର୍ଶକଙ୍କ ଦୃଷ୍ଟି ଆକର୍ଷଣ କରିଛନ୍ତି। ଏବେ ତାଙ୍କ ହାତରେ ଆଉ କିଛି କାମ ମଧ୍ୟ ରହିଛି। ଲକ୍‌ଡାଉନ୍ ଉଠିବା ପରେ ସେ ଦୁଇ ତିନିଟି ମ୍ୟୁଜିକ୍ ଆଲବମରେ ମଧ୍ୟ ଅଭିନୟ କରିସାରିଲେଣି। ଏହା ଭିତରେ ସୁସ୍ମିତାଙ୍କ ଅଭିନୀତ ‘ତୋ ପ୍ରେମରେ’ ମ୍ୟୁଜିକ୍ ଭିଡିଓଟି ଚର୍ଚ୍ଚିତ ହେଇଛି।