ମଡେଲଙ୍କୁ ହତ୍ୟା କରାଯିବା ଖବର ଶୁଣି ତାପ୍ସୀଙ୍କ ଟୁଇଟ୍; ବୋଧହୁଏ ପ୍ରେମିକ କେତେ ଭଲ ପାଉଥିଲା ତାହା ପ୍ରମାଣ କରିବାକୁ ଏଭଳି କରିଛି
ମୁମ୍ବାଇ : ବଲିଉଡ୍ ଅଭିନେତ୍ରୀ ତାପ୍ସୀ ପନ୍ନୁ ନିଜ କାମ ସହ ସବୁବେଳେ ସୋସିଆଲ ମିଡିଆରେ ଆକ୍ଟିଭ ରହିଥାନ୍ତି । କୌଣସି ବିଷୟକୁ ନେଇ ସେ ନିଜର ମତ ରଖିବାକୁ ପଛଘୁଞ୍ଚା ଦିଅନ୍ତି ନାହିଁ । କିନ୍ତୁ ଏବେ ସେ ଜଣେ ମଡେଲଙ୍କ ହତ୍ୟା ଘଟଣାକୁ ନେଇ ଟୁଇଟ୍ କରିବାରୁ ଲୋକେ ତାଙ୍କୁ ଟ୍ରୋଲ କରିବା ଆରମ୍ଭ କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ମହାରାଷ୍ଟ୍ରର ନାଗପୁରରେ ଜଣେ ପ୍ରେମିକ ନିଜ ୧୯ବର୍ଷୀୟା ପ୍ରେମିକାଙ୍କ ଚରିତ୍ର ଉପରେ ସନ୍ଦେହ କରି ହତ୍ୟା କରିବା ଖବର ସାମ୍ନାକୁ ଆସିଥିଲା । ଯାହାକୁ ଦେଖି, କିଏ ଜାଣିଲା, ସେମାନେ ପରସ୍ପରକୁ ପାଗଳ ଭଳି ଭଲ ପାଉଥିବେ । ଆଉ ଏଭଳି କରିବା ପ୍ରେମିକର ସତ ପ୍ରେମର ପ୍ରମାଣ ହୋଇଥିବ ବୋଲି ଟୁଇଟ୍ କରିଥିଲେ ତାପ୍ସୀ । ତାଙ୍କର ଏଭଳି ଟୁଇଟ୍ ଦେଖି ଲୋକେ ତାଙ୍କୁ ଟ୍ରୋଲ କରିବା ସହ ତାଙ୍କୁ ନିଜ ଚିନ୍ତାଧାରା ପାଇଁ ଲାଜ କରିବାକୁ କହିଥିଲେ । ଟ୍ରୋଲ ହେଉଥିବା ଦେଖି ତାପ୍ସୀ ଅନ୍ୟ ଏକ ଟୁଇଟ୍ କରି, ଯେଉଁ ଲୋକମାନଙ୍କ ପାଖରେ ବ୍ୟଙ୍ଗ ବୁଝିବାର କ୍ଷମତା ନାହିଁ, ସେମାନେ ମୋ ଟୁଇଟ୍କୁ ଅଣଦେଖା କରନ୍ତୁ ବୋଲି ଲେଖିଥିଲେ ।
Or maybe let’s just say they were madly in love with each other n this ‘act’ was to validate his TRUE love for her. ??♀️ https://t.co/BGmhA7XHyM
— taapsee pannu (@taapsee) July 15, 2019
ତେବେ ତାପ୍ସୀଙ୍କ ଏଭଳି ଟୁଇଟ୍ ଫିଲ୍ମ କବୀର ସିଂହର ନିର୍ଦ୍ଦେଶକ ସନ୍ଦୀପ ବଙ୍ଗାଙ୍କ ପାଇଁ ଥିଲା ବୋଲି ଚର୍ଚ୍ଚା ହେଉଛି । କାରଣ ଫିଲ୍ମ କବୀର ସିଂହର ପ୍ରମୋସନ ସମୟରେ, ସେ ଭଲପାଇବା କ’ଣ, ଯେଉଁଥିରେ ଚାପୁଡ଼ା ମାରିବାର ଅଧିକାର ନଥିବ ବୋଲି କହିଥିଲେ ସନ୍ଦୀପ । ସନ୍ଦୀପଙ୍କ ଏଭଳି ବୟାନ ପରେ ତାପ୍ସୀ ତାଙ୍କୁ ପରିହାସ କରି ଏଭଳି ଟୁଇଟ୍ କରିଥିବା ଚର୍ଚ୍ଚା ହେଉଛି ।