ଗ୍ଲାମର ଦୁନିଆରୁ ଛାଡ଼ି ଗଲା ମନ; ଏବେ ଆଲ୍ଳାଙ୍କ ଶରଣରେ କଟିବ ଜୀବନ

ମୁମ୍ବାଇ: ମନୋରଞ୍ଜନ ଦୁନିଆରେ ଏପରି ଅନେକ ଅଭିନେତ୍ରୀ ଅଛନ୍ତି ଯିଏକି ନିଜ ଇଚ୍ଛାରେ ଏହି ଦୁନିଆରୁ ବିଦାୟ ନେଇଛନ୍ତି। ଏହି ତାଲିକାରେ ଜାୟରା ୱାସିମ୍‌ ଓ ସନ୍ନା ଖାନ୍‌ଙ୍କ ପରି ପରିଚିତା ଅଭିନେତ୍ରୀଙ୍କ ନାମ ସାମିଲ୍‌ ଅଛି। ଏହି ୨ ଅଭିନେତ୍ରୀଙ୍କ ପରେ ଏବେ ଭୋଜପୁରୀ ଅଭିନେତ୍ରୀ ସହର ଅଫସା ବି ଏହି ପଥରେ ପାଦ ରଖିଛନ୍ତି। ଜାଣିବାକୁ ମିଳିଛି ଯେ ସେ ମନୋରଞ୍ଜନ ଦୁନିଆ ତ୍ୟାଗ କରି ଏବେ ଭିନ୍ନ ଦୁନିଆରେ ପାଦ ଥାମିଛନ୍ତି। ସେ ଏକ ସୋସିଆଲ୍‌ ମିଡିଆ ପୋଷ୍ଟ୍‌ ଜରିଆରେ ମନୋରଞ୍ଜନ ଦୁନିଆରୁ ବିଦାୟ ନେବା କଥା ଘୋଷଣା କରିଛନ୍ତି।

ଯେକୌଣସି ବି ଅଭିନେତ୍ରୀ ଏହି ଦୁନିଆରେ ନିଜର ସ୍ଥିତି ବଜାୟ ରଖିବାକୁ ଖୁବ୍‌ ପରିଶ୍ରମ କରିଥାନ୍ତି। ‌କିଛି ଅଭିନେତ୍ରୀ ଅଛନ୍ତି ଯ‌େଥେଷ୍ଟ ଟଙ୍କା ଓ ନାମ କମାଇବା ପରେ ଏହି ଦୁନିଆରୁ ବିଦାୟ ନେଇଯାଆନ୍ତି। ଭୋଜପୁରୀ ଦୁନିଆର ନାମୀଦାମୀ ଅଭିନେତ୍ରୀ ସହର ଅଫସା ଏବେ ଏହି ପଦକ୍ଷେପ ଉଠାଇଛନ୍ତି।

ସହର ତାଙ୍କ ଇନ୍‌ଷ୍ଟା ପୋଷ୍ଟ୍‌ ଜରିଆରେ ସୂଚନା ଦେଇ ଲେଖିଛନ୍ତି ଯେ ‘ମୁଁ ସୋବିଜ୍‌ (ଫିଲ୍ମ ଇଣ୍ଡଷ୍ଟ୍ରି) ଛାଡ଼ିବା କଥା ଘୋଷଣା କରୁଛି। ଏବେ ଏହା ସହ ମୋର କିଛି ସଂପର୍କ ରହିବ ନାହିଁ।’

ସୋବିଜ୍‌ ଛାଡ଼ିବା ପରେ ଅଭିନେତ୍ରୀ ଜଣକ ଇସ୍‌ଲାମ୍‌ ପଥରେ ମନ ନିବେଶ କରିଛନ୍ତି। ସେ ଜଣେ ମୁସ୍‌ଲମାନ ଝଇଅ ହୋଇଥିବା ବେଳେ ସେ ଏହି ଗ୍ଲାମର୍ ଦୁନିଆ ପରିତ୍ୟାଗ କରି ଆଲ୍ଳାଙ୍କ ଶରଣରେ ବାକି ଜୀବନ କାଟିବାର ନିଷ୍ପତ୍ତି ନେଇଛନ୍ତି। ସେ ଏହି ଗ୍ଲାମର୍‌ ଦୁନିଆକୁ ଛାଡ଼ି ଏବେ କେବଳ ଆଲ୍ଳାଙ୍କ ନିର୍ଦ୍ଦେଶିତ ରାସ୍ତାରେ ଚାଲିବାକୁ ଚାହାନ୍ତି ବୋଲି କହିଛନ୍ତି।