୮ବର୍ଷ ପରେ ପରଦା ଉପରେ ଏକା ସାଙ୍ଗରେ ନଜର ଆସିବାକୁ ଯାଉଛନ୍ତି ଅଭିଷେକ-ଐଶ୍ୱର୍ଯ୍ୟା, ଏହି ଫିଲ୍ମରେ ଆସିବେ ନଜର
ମୁମ୍ବାଇ: ବଲିଉଡ୍ ଅଭିନେତା ଅଭିଷେକ ବଚ୍ଚନ ଏବଂ ଅଭିନେତ୍ରୀ ଐଶ୍ୱର୍ଯ୍ୟା ରାୟଙ୍କୁ ଏକା ସାଙ୍ଗରେ ପରଦା ଉପରେ ୨୦୧୦ମସିହାରେ ଦର୍ଶକେ ଦେଖିବାକୁ ପାଇଥିଲେ । ଅସଲ ଜୀବନରେ ଦୁହେଁ ସ୍ୱାମୀ-ସ୍ତ୍ରୀ ହୋଇଥିଲେ ମଧ୍ୟ ୨୦୧୦ ପରଠାରୁ ଦୁହିଁଙ୍କର ଏକା ସାଙ୍ଗରେ କୌଣସି ଫିଲ୍ମ ଆସି ନଥିଲା । ଏହା ସହ ଏହି ଦୁଇ କଳାକାର କିଛି ଦିନ ପାଇଁ ଲାଇମ୍ଲାଇଟ୍ରୁ ନିଜକୁ ଦୂରେଇ ରଖିଥିଲେ ।
Sambad is now on WhatsApp
Join and get latest news updates delivered to you via WhatsApp
ଏବେ ଐଶ୍ୱର୍ଯ୍ୟା ଫିଲ୍ମ ‘ଫନ୍ନେ ଖାନ୍’ ମାଧ୍ୟମରେ ପରଦାକୁ ଫେରିଥିବା ବେଳେ ଖୁବ୍ ଶୀଘ୍ର ପରଦା ଉପରେ ଐଶ୍ୱର୍ଯ୍ୟା ଏବଂ ଅଭିଷେକ ନିଜର ଯାଦୁ ଚଳାଇବେ ବୋଲି ଜଣା ପଡ଼ିଛି । ଦୀର୍ଘ ୮ବର୍ଷର ବ୍ୟବଧାନ ପରେ ଦୁହେଁ ଫିଲ୍ମ ‘ଗୁଲାବ୍ ଜାମୁନ୍’ ଜରିଆରେ ପରଦା ଉପରେ ଅଭିନୟର ଯାଦୁ ପୁଣି ଥରେ ଚଳାଇବେ ବୋଲି ଜଣା ପଡ଼ିଛି । ଏହି ଫିଲ୍ମର ପ୍ରଯୋଜନା ଦାୟିତ୍ୱରେ ଅନୁରାଗ କଶ୍ୟପ ଥିବା ବେଳେ ଏହାର ନିର୍ଦ୍ଦେଶକ କିଏ ହେବେ ତାହା ସ୍ପଷ୍ଟ ହୋଇନାହିଁ । ଏ ପର୍ଯ୍ୟନ୍ତ ଏକା ସାଙ୍ଗରେ ୮ଟି ଫିଲ୍ମରେ ନଜର ଆସି ସାରିଥିବା ଐଶ୍ୱର୍ଯ୍ୟା ଏବଂ ଅଭିଷେକଙ୍କର ଏହା ନବମ ଫିଲ୍ମ ହେବ ବୋଲି ଜଣା ପଡ଼ିଛି ।