ଜମ୍ମୁ-କଶ୍ମୀରର ଏକ ସ୍କୁଲ୍ ନିର୍ମାଣ କାର୍ଯ୍ୟ ପାଇଁ ୧ କୋଟି ଟଙ୍କା ଦେଲେ ଅକ୍ଷୟ କୁମାର
ମୁମ୍ବାଇ: ଅଭିନେତା ଅକ୍ଷୟ କୁମାର କିଛି ଦିନ ଅନ୍ତରରେ କିଛି ନା କିଛି ସାମାଜିକ କଲ୍ୟାଣ କାର୍ଯ୍ୟ କରି ଚର୍ଚ୍ଚାରେ ରହିଥାନ୍ତି। ନିକଟରେ ସେ ନିକଟରେ ଜାମ୍ମୁ କାଶ୍ମୀର ଗସ୍ତ କରି ସୀମା ସୁରକ୍ଷା ବାହିନୀ (ବିଏସ୍ଏଫ୍)ର ଯବାନମାନଙ୍କୁ ଭେଟିଛନ୍ତି। ଜାମ୍ମୁ କାଶ୍ମୀରର ନେରୁ ଗ୍ରାମରେ ଏକ ବିଦ୍ୟାଳୟ ନିର୍ମାଣ ପାଇଁ ଏହି ଅଭିନେତା ୧ କୋଟି ଟଙ୍କା ଦାନ କରିଛନ୍ତି। ଗାଁଟି କଶ୍ମୀରର ବନ୍ଦିପୋରା ଜିଲ୍ଲାର।
Sambad is now on WhatsApp
Join and get latest news updates delivered to you via WhatsApp
ଅକ୍ଷୟ କୁମାର କେବଳ ଯବାନଙ୍କ ସହ ଫଟୋ ପୋଜ୍ ଦେଇନାହାନ୍ତି, ବରଂ ସେମାନଙ୍କ ସହ ନୃତ୍ୟ ପ୍ରଦର୍ଶନ ମଧ୍ୟ କରିଛନ୍ତି। କେବଳ ସେତିିକି ନୁହେଁ ଦେଶ ପାଇଁ ନିଜ ଜୀବନକୁ ବଳିଦାନ ଦେଇଥିବା ଯବାନମାନଙ୍କ ଉଦେଶ୍ୟରେ ଅକ୍ଷୟ ସ୍ମାରକୀରେ ପୁଷ୍ପ ମଧ୍ୟ ପ୍ରଦାନ କରିଛନ୍ତି।
View this post on Instagram
ସେ ତାଙ୍କ ଗସ୍ତ କାଳର କିଛି ଫଟୋକୁ ମାଇକ୍ରୋବ୍ଲଗିଂ ସାଇଟ୍ ଟ୍ବିଟର୍ରେ ପୋଷ୍ଟ୍ କରି ଲେଖିଛନ୍ତି, ‘ବିଏସ୍ଏଫ୍ ଯବାନଙ୍କ ସହ କିଛି ସ୍ମରଣୀୟ ମୁହୂର୍ତ୍ତ ବିତାଇଲି। ଏଠାକୁ ଆସି ପ୍ରକୃତ ହିରୋମାନଙ୍କୁ ଭେଟିବା ଏକ ନମ୍ର ଅନୁଭୂତି ଅଟେ। ମୋ ହୃଦୟ ସମ୍ମାନରେ ଭରିଗଲା।’