ନୂଆଦିଲ୍ଲୀ: ଇଂଲଣ୍ଡର ପ୍ରଧାନମନ୍ତ୍ରୀ ଋଷି ସୁନକଙ୍କ ସହ ଦୀପାବଳି ପାଳିଲେ ଏହି ୩ ବଲିଉଡ ଷ୍ଟାର। ଦୀପାବଳି ପୂର୍ବରୁ ପ୍ରଧାନମନ୍ତ୍ରୀ ନିଜ ସରକାରୀ ବାସଭବନରେ ଏକ ବଡ଼ କାର୍ଯ୍ୟକ୍ରମର ଆୟୋଜନ କରିଥିଲେ। ଏହି କାର୍ଯ୍ୟକ୍ରମରେ ହିନ୍ଦୁ ସମ୍ପ୍ରଦାୟର ଅନେକ ଲୋକ ଯୋଗ ଦେଇଥିବା ବେଳେ ବଲିଉଡ ଷ୍ଟାର ଅକ୍ଷୟ କୁମାର, ଟ୍ବିଙ୍କିଲ ଖାନ୍ନା ଓ ପ୍ରୀତି ଜିଣ୍ଟା ଏହି କାର୍ଯ୍ୟକ୍ରମରେ ସାମିଲ ହୋଇଥିଲେ ବୋଲି ଦେଖିବାକୁ ମିଳିଛି।

Advertisment

କାର୍ଯ୍ୟକ୍ରମରେ ଯେଉଁ ଫଟୋ ଭାଇରାଲ ହୋଇଛି ସେଥିରେ ଅକ୍ଷୟ କୁମାର, ଟ୍ବିଙ୍କିଲ ଖାନ୍ନା ଓ ପ୍ରୀତି ଜିଣ୍ଟା, ଋଷି ସୁନକଙ୍କ ସହ କଥା ହେଉଥିବା ଦେଖିବାକୁ ମିଳିଛି। ଅକ୍ଷୟ କୁମାର ଧଳା ରଙ୍ଗର କୁର୍ତ୍ତା ପିନ୍ଧିଥିବା ବେଳେ ଟ୍ବିଙ୍କିଲ ଖାନ୍ନା ଓ ପ୍ରୀତି ଜିଣ୍ଟା ସାଲୱାର ପିନ୍ଧିଥିବା ଦେଖିବାକୁ ମିଳିଛି। ଟ୍ବିଙ୍କିଲ ଖାନ୍ନା ଧଳା ଓ ହଳଦିଆ ରଙ୍ଗର କୁର୍ତ୍ତା ପିନ୍ଧିଥିବା ବେଳେ ପ୍ରୀତି ଜିଣ୍ଟା କଳା ରଙ୍ଗର କୁର୍ତ୍ତା ପିନ୍ଧିଥିବାର ଦେଖିବାକୁ ମିଳିଛି।

ଅନ୍ୟପକ୍ଷରେ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ମଧ୍ୟ କିଛି ଫଟୋ ସେୟାର କରାଯାଇଛି, ଯେଉଁଥିରେ ସେ ହିନ୍ଦୁ ସମ୍ପ୍ରଦାୟର କିଛି ଲୋକଙ୍କ ସହ ଦୀପାବଳି ପାଳନ କରୁଥିବାର ନଜର ଆସିଛନ୍ତି।