ମୁମ୍ବାଇ: ବଲିଉଡ ଅଭିନେତା ଅକ୍ଷୟ କୁମାର କରୋନା ଭୂତାଣୁ ମୁକାବିଲା କରିବାକୁ ଆଉ ଏକ ପଦକ୍ଷେପ ନେଇଛନ୍ତି। ନିକଟରେ ଅକ୍ଷୟ କୁମାର ପିଏମ କେୟାରସ ପାଣ୍ଠିକୁ ୨୫ କୋଟି ଦାନ କରିଥିବାବେଳେ ଏବଂ ପୁଣି ସେ ସାହାଯ୍ୟର ହାତ ବଢ଼ାଇଛନ୍ତି । ୨୫ କୋଟି ପରେ ଅକ୍ଷୟ କୁମାର ପିପିଏ, ମାସ୍କ ଏବଂ ରାପିଡ୍ ଟେଷ୍ଟିଂ କିଟ୍ ପାଇଁ ବିଏମସିକୁ ୩ କୋଟି ଟଙ୍କା ଦାନ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଅକ୍ଷୟ କୁମାରଙ୍କ ଏହି ନିଷ୍ପତ୍ତି ପରେ ସୋସିଆଲ ମିଡିଆରେ ତାଙ୍କୁ ଲୋକ ବହୁ ପ୍ରଶଂସା କରୁଛନ୍ତି । ସେହିପରି ଗୁରୁବାର ଦିନ ଅକ୍ଷୟ କୁମାର ଜୀବନ ରକ୍ଷା କରୁଥିବା ଡାକ୍ତର, ସଫେଇକର୍ମୀ ଏବଂ ପୁଲିସ କର୍ମଚାରୀଙ୍କୁ ଅଭିବାଦନ ଜଣାଇଛନ୍ତି। ଅକ୍ଷୟ କୁମାର ସୋସିଆଲ ମିଡିଆରେ ହୃଦୟରୁ ଧନ୍ୟବାଦ ଅଭିଯାନ ଆରମ୍ଭ କରିଛନ୍ତି।
Name : Akshay Kumar
City : MumbaiMere aur mere parivaar ki taraf se…
Police, Nagar Nigam ke workers, doctors, nurses, NGOs, volunteers, government officials, vendors, building ke guards ko #DilSeThankYou 🙏🏻 pic.twitter.com/N8dnb4Na63— Akshay Kumar (@akshaykumar) April 9, 2020
ଏହି ଅଭିଯାନକୁ ପୁଲିସ ମଧ୍ୟ ପ୍ରଶଂସା କରିଛି ଏବଂ ଅନେକ ବଲିଉଡ ତାରକା ଏହି ଅଭିଯାନରେ ଯୋଗ ଦେଇଛନ୍ତି ଏବଂ ଏହି କରୋନା ଯୋଦ୍ଧାଙ୍କୁ ଧନ୍ୟବାଦ ଦେଉଛନ୍ତି। ଅକ୍ଷୟ କୁମାର ଏହା ପୂର୍ବରୁ ପିଏମ କେୟାର ଫଣ୍ଡକୁ ୨୫ କୋଟି ଦାନ କରିଥିଲେ। ଅକ୍ଷୟ କୁମାରଙ୍କ ପଦକ୍ଷେପକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସମେତ ଅନେକ ପ୍ରଶଂସା କରିଥିଲେ।