ରଣବୀରଙ୍କ ସହ ବିବାହକୁ ନେଇ ପ୍ରଥମଥର ମୁହଁ ଖୋଲିଲେ ଆଲିଆ

ମୁମ୍ବାଇ:: ରଣବୀର କପୁର ଏବଂ ଆଲିଆ ଭଟ୍ଟଙ୍କ ବିବାହ ପାଇଁ ପ୍ରସ୍ତୁତି ଜୋରସୋରରେ ଚାଲିଛି। ବର୍ତ୍ତମାନ ଏପ୍ରିଲ୍ ୧୪କୁ ଅପେକ୍ଷା । ଏହିଦିନ ଆଲିଆ ଏବଂ ରଣବୀରଙ୍କ ବିବାହ ହେବ।  ଏହି ପ୍ରସ୍ତୁତି ମଧ୍ୟରେ ଆଲିଆ ଭଟ୍ଟ ବିବାହକୁ ନେଇ ପ୍ରଥମ ଥର ପାଇଁ ମୁହଁ ଖୋଲିଛନ୍ତି। ଅଭିନେତ୍ରୀ ନିଜ ବିବାହ ଖବରକୁ ନେଇ ଏପରି କିଛି ପ୍ରତିକ୍ରିୟା ଦେଇଛନ୍ତି ଯାହାକି ଚର୍ଚ୍ଚାରେ ରହିଛି।

ପ୍ରସିଦ୍ଧ ୟୁଟୁବର ନିକୁଞ୍ଜ ଲୋଟିଆ ସୋସିଆଲ ମିଡିଆରେ ଏକ ଭିଡିଓ ସେୟାର କରିଛନ୍ତି। ଏହି ଭିଡିଓରେ ଆପଣ ଦେଖିବେ ନିକୁଞ୍ଜ ଫିଲ୍ମ 'କବୀର ସିଂ'ର କୁର୍ତ୍ତା ପାଇଜାମା ଲୁକକୁ କପି କରି ଏକ କାର ପଛରେ ରାସ୍ତାରେ ଦୌଡ଼ୁଛନ୍ତି । ଏହି କାର ପଛରେ ଥିବା ବ୍ୟାନରରେ 'ଆଲିଆ ୱେଡସ୍ ରଣବୀର' ଲେଖା ଅଛି । ଏହା ସହିତ ଏହି ଭିଡିଓରେ ଏକ ଫଟୋରେ ଆଲିଆଙ୍କ ପାଖରେ ନିକୁଞ୍ଜ ନଜର ଆସିଛନ୍ତି କିନ୍ତୁ ପରେ ରଣବୀର କପୁର ଏଥିରେ ଆସିଛନ୍ତି | ନିକୁଞ୍ଜଙ୍କ ଏହି ମଜାଳିଆ ଭିଡିଓ ସୋସିଆଲ ମିଡିଆ ବ୍ୟବହାରକାରୀଙ୍କୁ ବେଶ ପସନ୍ଦ ଆସିଛି।

View this post on Instagram

A post shared by Nick (@beyounick)

ଅନେକ ତାରକା ଏହି ଭିଡିଓ ଉପରେ ନିଜନିଜ ପ୍ରତିକ୍ରିୟା ଦେଇଛନ୍ତି। ଆଲିଆ ଭଟ୍ଟ ବି ଏହି ଭିଡିଓ ଉପରେ   ପ୍ରତିକ୍ରିୟା ଦେଇ ଲେଖିଛନ୍ତି - 'ଡେଡ'। ଆଲିଆଙ୍କ ଏହି ମଜାଳିଆ କମେଣ୍ଟ ସୋସିଆଲ  ମିଡିଆରେ ଭାଇରାଲ ହେବାରେ ଲାଗିଛି। ଆର.କେ ହାଉସରେ ରଣବୀର କପୁର ଏବଂ ଆଲିଆ ଭଟ୍ଟଙ୍କ ବିବାହ ରୀତିନୀତି ଅନୁଷ୍ଠିତ ହେବାକୁ ଯାଉଛି।