ଲଢେଇ କରୁଛନ୍ତି ଆଲିଆ: 'ଜିଗ୍ରା'ର ଟିଜର ରିଲିଜ

ମୁମ୍ବାଇ: ବଲିଉଡ ଅଭିନେତ୍ରୀ ଆଲିଆ ଭଟ୍ଟ ଏବଂ ବେଦାଙ୍ଗ ରାଇନାଙ୍କ ଆଗାମୀ ଚଳଚ୍ଚିତ୍ର 'ଜିଗ୍ରା'ର ଟିଜର ରିଲିଜ ହୋଇଛି। ଟିଜରରେ ଆଲିଆ ଭଟ୍ଟ ଏବଂ ବେଦାଙ୍ଗ ରାଇନା ଭାଇ ଭଉଣୀ ଭୂମିକାରେ ନଜର ଆସିଛନ୍ତି। ଆଲିଆ ତାଙ୍କ ଭାଇ ପାଇଁ କିପରି ଲଢେଇ କରୁଛନ୍ତି ତାହା ଏହି ଟିଜରରେ ଦେଖିବାକୁ ମିଳିଛି।

'ଜିଗ୍ରା'ର ଟିଜର ଆଲିଆ ଭଟ୍ଟଙ୍କ ସଂଳାପରୁ ଆରମ୍ଭ ହୋଇଛି। ଟିଜରରେ ଭାଇ ଭଉଣୀଙ୍କ ମଧ୍ୟରେ ଥିବା ନିବିଡ ସମ୍ପର୍କ ଦେଖିବାକୁ ମିଳିଛି । ଟିଜରରେ ଅଭିନେତ୍ରୀ ଆଲିଆ ଭଟ୍ଟ ତାଙ୍କ ଭାଇଙ୍କ ପାଇଁ ପ୍ରତିରକ୍ଷା କବଚ ପରି ଦେଖାଯାଉଛନ୍ତି। ତାଙ୍କ ଭାଇ ବେଦାଙ୍ଗ ରାଇନାଙ୍କୁ ବିଦେଶରେ ପୋଲିସ ଗିରଫ କରିଛି। ଟିଜର ସହିତ ନିର୍ମାତା କିଶୋର କୁମାରଙ୍କ ଗୀତ 'ଏକ ହାଜାରୋ ମେ ମେରୀ ବେହେନା'ର ରିମିକ୍ସ ସଂସ୍କରଣ ମଧ୍ୟ ଦେଖିବାକୁ ମିଳିଛି।

ଆଲିଆ ଭଟ୍ଟ ତାଙ୍କ ଅଫିସିଆଲ୍ ଇନଷ୍ଟାଗ୍ରାମ ଆକାଉଣ୍ଟରେ 'ଜିଗ୍ରା'ର ଟିଜର ସେୟାର କରିଛନ୍ତି। ଏହା ସହିତ ସେ କ୍ୟାପସନରେ ଲେଖିଛନ୍ତି, କାଉଣ୍ଟଡାଉନ୍ ଆରମ୍ଭ ହୋଇଛି, 'ଜିଗ୍ରା'ର ଟିଜରଟ୍ରେଲର ରିଲିଜ ହୋଇଛି। ନିର୍ମାତା 'ଜିଗ୍ରା'ର ଏହି ଝଲକକୁ ଟିଜର ଟ୍ରେଲର ଭାବରେ ନାମିତ କରିଛନ୍ତି।

ଅଧିକ ପଢ଼ନ୍ତୁ: ଭିନେଶ ଓ ବଜରଙ୍ଗଙ୍କ ବିରୋଧରେ ବିବାଦୀୟ ମନ୍ତବ୍ୟ ନ ଦେବାକୁ ବ୍ରଜଭୂଷଣଙ୍କୁ ଚେତାଇଲା ବିଜେପି : ରିପୋର୍ଟ

'ଜିଗ୍ରା'ର ନିର୍ଦ୍ଦେଶନା ଦେଇଛନ୍ତି ଭାସନ ବାଲା। ଟିଜର ପୂର୍ବରୁ ଆଲିଆ କ୍ରମାଗତ ଭାବରେ ଫିଲ୍ମର ପୋଷ୍ଟର ମଧ୍ୟ ସେୟାର କରୁଥିଲେ। 'ଜିଗ୍ରା' ୧୧ ଅକ୍ଟୋବର ୨୦୨୪ରେ ପ୍ରେକ୍ଷାଳୟକୁ ଆସିବ। ଧର୍ମା ପ୍ରଡକ୍ସନ୍ସର ବ୍ୟାନରରେ ନିର୍ମିତ ଏହି ଚଳଚ୍ଚିତ୍ରରେ ଆଲିଆ ଭଟ୍ଟ ଏବଂ ବେଦାଙ୍ଗ ରାଇନା ମୁଖ୍ୟ ଭୂମିକାରେ ଅଭିନୟ କରିଛନ୍ତି।

ଗୁରୁତ୍ୱପୂର୍ଣ୍ଣ ଭୂମିକାରେ ଆଦିତ୍ୟ ନନ୍ଦା ଏବଂ ମନୋଜ ପହୱା ମଧ୍ୟ ନଜର ଆସିବେ। ଆଲିଆ ଜିଗର ନେଇ ବେଶ୍ ଆଶାବାଦୀ ରହିଛନ୍ତି। ଏହା ଦର୍ଶକଙ୍କ ଆଦୃତି ଲାଭ କରିବ ବୋଲି ସେ କହିଛନ୍ତି।

ଅଧିକ ପଢ଼ନ୍ତୁ:ଆପଣଙ୍କ ଗାଡିର ଚାବି ନେଇପାରିବେନି ଟ୍ରାଫିକ କନେଷ୍ଟବଳ, ଜାଣିଛନ୍ତି କି ଏହି ନିୟମ