ମଡେଲିଂରୁ ଅଭିନୟ ଆଡ଼କୁ ପାଦ ବଢ଼େଇଛନ୍ତି ଆଲିଶା ବ୍ରହ୍ମା
ମଡେଲିଂରୁ ଗ୍ଲାମର୍ ଜଗତ୍କୁ ପାଦ ବଢ଼େଇଥିବା ଆଲିଶା ବ୍ରହ୍ମା ଏହା ଭିତରେ କିଛି ସିନେମା ଓ ଆଲବମ୍ ଗୀତଦୃଶ୍ୟର ନାୟିକା ସାଜିଛନ୍ତି। ଚଳଚ୍ଚିତ୍ର ‘ଲାଗେ ମୋତେ କେମିତି କେମିତି’ରେ ଆଲିଶା ଦୁଷ୍ମନ୍ତଙ୍କ ବିପକ୍ଷର ନାୟିକା ସାଜିଥିଲେ। ଏହା ବ୍ୟତୀତ ‘ବର୍ଷାରାଣୀ’, ‘ଯୋଗୀ’ ଓ ‘ଆଜି ତୋ ପ୍ରେମରେ’ ଆଦି ମ୍ୟୁଜିକ୍ ଆଲବମ୍ରେ ସେ ନାୟିକା ସାଜିଛନ୍ତି। ‘ବର୍ଷାରାଣୀ’ ଗୀତଦୃଶ୍ୟ ଦେଖିବା ପରେ ଆଲିଶା ସିନେ ନିର୍ଦ୍ଦେଶକଙ୍କ ନଜରକୁ ଆସିଥିଲେ।
Sambad is now on WhatsApp
Join and get latest news updates delivered to you via WhatsApp
ବାଲେଶ୍ବରର ରଘୁନାଥ ବ୍ରହ୍ମା ଓ ବୈଜୟନ୍ତୀଙ୍କ ଝିଅ ଆଲିଶା ଏବେ ବଡ଼ ଓ ଛୋଟ ପରଦାରେ ଅଭିନୟ କରି ଦର୍ଶକଙ୍କ ଦୃଷ୍ଟି ଆକର୍ଷଣ କରୁଛନ୍ତି। ନିକଟରେ ତାଙ୍କୁ ଆଉ କିଛି ସୁଯୋଗ ମିଳିଛି ମାତ୍ର ନୂଆ ଚଳଚ୍ଚିତ୍ରଗୁଡ଼ିକର ଶୀର୍ଷକ ଘୋଷଣା କରାଯାଇନାହିଁ। ମଡେଲିଂ ଓ ଅଭିନୟ ସହିତ ଆଲିଶା ପାଠପଢ଼ାରୁ ବିରତି ନେଇନାହାଁନ୍ତି। ସେ ଏବେ ଫକୀରମୋହନ ବିଶ୍ବବିଦ୍ୟାଳୟରେ ସି.ଏ କରୁଛନ୍ତି। ଅଭିନୟକୁ ନିଜର ନିଶା କହୁଥିବା ଆଲିଶା ସିନେମାର କାହାଣୀ ଓ କଳାକାରଙ୍କ ସମ୍ପର୍କରେ ନ ଜାଣିଲା ଯାଏ ଅଭିନୟ କରିବାକୁ ସମ୍ମତି ଦିଅନ୍ତି ନାହିଁ।