ବାହାଘର ପାଇଁ ଶ୍ୱଶୁରଙ୍କୁ ବୁଝାଇବାକୁ ଝାଳନାଳ ହୋଇପଡିଥିଲେ ଅଲୁ ଅର୍ଜୁନ

ମୁମ୍ବାଇ: ସାଉଥ ସୁପରଷ୍ଟାର ଅଲୁ ଅର୍ଜୁନ ସାଉଥ ସିନେମା ଜଗତରେ କେବଳ ଜଣେ ଷ୍ଟାଇଲିସ୍ ଅଭିନେତା ନୁହଁନ୍ତି ବରଂ ସାଉଥ ଇଣ୍ଡଷ୍ଟ୍ରିର ସବୁଠାରୁ ଦାମୀ ଅଭିନେତା ଭାବେ ଜଣାଶୁଣା | ଖୁବ ଶୀଘ୍ର ତାଙ୍କର ଫିଲ୍ମ 'ପୁଷ୍ପା ୨' ଆସିବାକୁ ଥିବାବେଳେ ଏଥିରେ ତାଙ୍କ ଲୁକକୁ ନେଇ ଚର୍ଚ୍ଚା ଜୋର ଧରିଛି | ତେବେ ଆଜି ଆମେ ଆପଣଙ୍କୁ ଅଲୁ ଅର୍ଜୁନଙ୍କ ପ୍ରେମ ବିବାହ ବାବଦରେ ସୂଚନା ଦେବୁ, ଯାହାକୁ ଜାଣିବା ପରେ ଆପଣ ବି ଆଶ୍ଚର୍ଯ୍ୟ ହୋଇଯିବେ | ବାସ୍ତବରେ ଏହି ତାରକାଙ୍କୁ ତାଙ୍କ ବିବାହ ପାଇଁ ଅନେକ ସମସ୍ୟାର ସାମ୍ନା କରିବାକୁ ପଡିଥିଲା ​​| କାରଣ ସେ ସ୍ନେହା ରେଡ୍ଡୀଙ୍କୁ ପ୍ରେମ ବିବାହ କରିଥିଲେ। କିନ୍ତୁ ପ୍ରଥମରୁ ସ୍ନେହାଙ୍କ ବାପା ବିବାହ ପାଇଁ ରାଜି ନଥିଲେ | ଆଉ ଭାବି ଶ୍ୱଶୁରଙ୍କୁ ରାଜି କରିବାକୁ ଅଲୁ ଅର୍ଜୁନ ଢେର ପରିଶ୍ରମ କରିଥିଲେ |

ଏହାପରେ ଉଭୟଙ୍କ ବିବାହ ମାର୍ଚ୍ଚ ୬, ୨୦୧୧ରେ ଧୂମଧାମରେ ହୋଇଥିଲା | ଉଭୟଙ୍କ ସାକ୍ଷାତ ଜଣେ ବନ୍ଧୁଙ୍କ ବିବାହ ସମାରୋହରେ ହୋଇଥିଲା | ଯେଉଁଠାରେ ଅଲୁ ସ୍ନେହାଙ୍କୁ ମନେ ମନେ ହୃଦୟ ଦେଇଦେଇଥିଲେ | ସେତେବେଳେ ସ୍ନେହା ମାଷ୍ଟର ଡିଗ୍ରୀ ସମାପ୍ତ କରି ଆମେରିକାରୁ ଫେରିଥିଲେ ଏବଂ ସେ ଅଲୁ ଅର୍ଜୁନଙ୍କୁ ଆଦୌ ଜାଣି ନଥିଲେ। କିନ୍ତୁ କିଛିଦିନର କଥାବାର୍ତ୍ତା ସମୟରେ ଉଭୟ ପରସ୍ପରକୁ ପ୍ରେମ ନିବେଦନ କରିଥିଲେ | ଏହା ପରେ ଅଲୁ ଅର୍ଜୁନ ତାଙ୍କ ପିତାଙ୍କ ହାତରେ ପ୍ରସ୍ତାବ ଦେଇ ସ୍ନେହାଙ୍କ ଘରକୁ ପଠାଇଥିଲେ କିନ୍ତୁ ସ୍ନେହାଙ୍କ ପିତା ସେମାନଙ୍କ ବିବାହ କରିବାକୁ ମନା କରିଦେଇଥିଲେ | ଏହା ପରେ ଅଲୁ ଅର୍ଜୁନ ତାଙ୍କ ଶ୍ୱଶୁରଙ୍କୁ ମନାଇବା ପାଇଁ ଢେର ପରିଶ୍ରମ କରିଥିଲେ ଏବଂ ଏହାପରେ ହିଁ ସ୍ନେହାଙ୍କ ବାପା ବିବାହ ପାଇଁ ରାଜି ହୋଇଥିଲେ | ଉଲ୍ଲେଖ ଥାଉ କି ଅଲୁ ୨୦୦୩ ମସିହାରେ 'ଗଙ୍ଗୋତ୍ରି' ଚଳଚ୍ଚିତ୍ରରୁ ତାଙ୍କ କ୍ୟାରିଅର୍ ଆରମ୍ଭ କରିଥିଲେ |