ମୁମ୍ବାଇ: ଗତ କିଛି ସମୟ ଧରି ବଲିଡଉ୍‌ ଓ ସାଉଥ୍‌ କଳାକାରଙ୍କ ଯୁଗଳବନ୍ଦୀ ଦେଖିବାକୁ ମିଳୁଛି। ଦର୍ଶକଙ୍କ ମଧ୍ୟରେ ସାଉଥ୍‌ ଫିଲ୍ମର କ୍ରେଜ୍ କ୍ରମାଗତ ଭାବେ ବଢିବାରେ ଲାଗିଛି। ତେବେ ଫିଲ୍ମ ନିର୍ମାତାମାନଙ୍କୁ ଫିଲ୍ମକୁ ବ୍ୟାବସାୟିକ ସଫଳ କରିବାର ଏକ ସୁବିଧା ଉପାୟ ମଧ୍ୟ ମିଳିଯାଇଥିବା ଜଣାପଡ଼ୁଛି।  ଚର୍ଚ୍ଚାର ବିଷୟ ହେଉଛି ପୁଣି ଥରେ ବଲିଉଡ୍‌ ଓ ଟଲିଉଡ୍‌ର ଯୁଗଳବନ୍ଦୀ ଦେଖିବାକୁ ମିଳିପାରେ। ଖବର ମୁତାବକ ଅମୀର ଖାନଙ୍କୁ ନିକଟରେ ହାଇଦ୍ରାବାଦ ଏୟାରପୋର୍ଟରେ ଦେଖିବାକୁ ମିଳିଛି। ଏହାପରେ ସେ ଏକ ଦାମୀ କାର୍‌ରେ ବସି ଯାଉଥିବାର ମଧ୍ୟ ଦେଖିବାକୁ ମିଳିଛି। ଯାହା ଶୁଣାଯାଉଛି ଏହି କାର୍ ତାଙ୍କ ପାଇଁ ସାଉଥ୍‌ ସୁପରଷ୍ଟାର ଅଲ୍ଲୁ ଅର୍ଜୁନ ପଠେଇଥିଲେ।

Advertisment

ବର୍ତ୍ତମାନ ଅଲ୍ଲୁ ଅର୍ଜନ ଓ ଅମୀର ଖାନ୍‌ଙ୍କୁ ନେଇ ଚର୍ଚ୍ଚା ଜୋର୍‌ ଧରିଛି। ଏହା ମଧ୍ୟ କୁହାଯାଉଛି ସେ ଏୟାର୍‌ପୋର୍ଟରୁ ବାହାରି ସିଧା ଜୁବ୍‌ଲି ହିଲ୍ସ ସ୍ଥିତ ଅଲ୍ଲୁଙ୍କ ବାସଭବନରେ ପହଞ୍ଚିଛନ୍ତି। ରିପୋର୍ଟ ଅନୁଯାୟୀ ଅମୀର ଓ ଅଲ୍ଲୁ ଅର୍ଜୁନ ଏକ ପ୍ରୋଜେକ୍ଟରେ ଏକାଠି କାମ କରିପାରନ୍ତି। ତେବେ ଏହାକୁ ନେଇ କୌଣସି ଆନୁଷ୍ଠାନିକ ତଥ୍ୟ ମିଳିନାହିଁ।

ଯଦି ଏହା ସତ ହୋଇଥାଏ ତେବେ ପ୍ରଶଂସକଙ୍କ ଲାଗି ଏହା ନିଶ୍ଚୟ ଏକ ଖୁସି ଖବର। ଅଲ୍ଲୁ ଅର୍ଜୁନଙ୍କ ଅଭିନୀତ ‘ପୁଷ୍ପା’ ରିଲିଜ ହେବା ପରେ ଦର୍ଶକ ଏବେ ତାଙ୍କ ଆଗାମୀ ଫିଲ୍ମ ‘ପୁଷ୍ପା-୨’କୁ ଚାହିଁ ରହିଛନ୍ତି। ଏହା ପୂର୍ବରୁ ଶାହାରୁଖ୍‌ଙ୍କ ଅଭିନୀତ ‘ଯୱାନ’ ଫିଲ୍କରେ ଅଭିନୟ ପାଇଁ ଅଲ୍ଲୁ ମନା କରି ଦେଇଥିବା ଜଣାପଡ଼ିବା ପରେ ଫ୍ୟାନ୍ସଙ୍କ ମଧ୍ୟରେ ଅସନ୍ତୋଷ ଦେଖିବାକୁ ମିଳିଥିଲା। ଏବେ ସେ ଅମୀରଙ୍କୁ ହଁ କରିଛନ୍ତି ବୋଲି ଚର୍ଚ୍ଚା ହେଉଛି।