ଏହି କାରଣ ପାଇଁ ରାଞ୍ଚି ଅଦାଲତ ପକ୍ଷରୁ ଅମିଷା ପଟେଲଙ୍କୁ ସମନ ଜାରି, ଜୁଲାଇ ୮ରେ ଅଦାଲତରେ ହାଜିର ହେବାକୁ ଆଦେଶ
ମୁମ୍ବାଇ: ବଲିଉଡ୍ ଅଭିନେତ୍ରୀ ଅମିଷା ପଟେଲଙ୍କ ଉପରେ ଫିଲ୍ମ ନିର୍ମାତା ଅଜୟ କୁମାର ସିଂହ ଠକେଇ ଅଭିଯୋଗ ଆଣିଛନ୍ତି । ଯାହା ପାଇଁ ରାଞ୍ଚି ଅଦାଲତ ପକ୍ଷରୁ ଅମିଷାଙ୍କୁ ସମନ ଜାରି କରାଯାଇଛି । ସମନରେ ଜୁଲାଇ ୮ରେ ତାଙ୍କୁ ଅଦାଲତରେ ହାଜର ହେବା ପାଇଁ କୁାହାଯାଇଥିବା ଜଣା ପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ଫିଲ୍ମ ନିର୍ମାତା ଅଜୟ କୁମାର ସିଂହଙ୍କ କହିବା ଅନୁଯାୟୀ, ଅମିଷା ଦେଶୀ ମ୍ୟାଜିକ ନାମରେ ଏକ ଫିଲ୍ମ ପାଇଁ ୨.୫କୋଟି ଟଙ୍କା ନେଇଥିଲେ । କିନ୍ତୁ ପରେ ଫିଲ୍ମଟି କୌଣସି କାରଣରୁ ବନ୍ଦ ହୋଇଯିବାରୁ ଅଜୟ ଅମିଷାଙ୍କୁ ନିଜ ଟଙ୍କା ମାଗିଥିଲେ । ଅମିଷା ୩କୋଟି ଟଙ୍କାର ଚେକ୍ ଦେଇଥିବା ବେଳେ ତାହା ବାଉନ୍ସ ହୋଇ ଯାଇଥିଲା । ଯାହା ପରେ ବାଧ୍ୟ ହୋଇ ଅଜୟ ଅମିଷାଙ୍କ ବିରୋଧରେ ଠକେଇ ଅଭିଯୋଗ ଆଣିବା ସହ ତାଙ୍କୁ ଏବେ ସମନ ଜାରି କରାଯାଇଛି । ମାମଲା ରୁଜୁ ହେବା ପରଠାରୁ ସମନ ପଠାଯିବା ପର୍ଯ୍ୟନ୍ତ ଅମିଷାଙ୍କ ସହ ଅନେକ ଥର ସଂପର୍କ କରାଯିବା ପାଇଁ ଚେଷ୍ଟା କରାଯାଇଥିଲେ ମଧ୍ୟ ସେ ଜାଣି ଜାଣି ଅଣଦେଖା କରି ଦେଇଥିବା କହିଛନ୍ତି ଅଜୟ ।