ଐଶ୍ୱର୍ଯ୍ୟାଙ୍କ ଆଖିର ପ୍ରଶଂସା କରିବା ପରେ ପ୍ରତିଯୋଗୀଙ୍କୁ ବିଗ୍‌ ବି କହିଲେ; ଯଦି ତୁମେ…

ମୁମ୍ବାଇ : ସୋନି ଟିଭିରେ ପ୍ରସାରିତ ହେଉଥିବା କୁଇଜ୍‌ ସୋ’ କୌନ୍‌ ବନେଗା କରୋଡପତି ଏବେ ଟିଆର୍‌ପି ସୂଚୀରେ ରାଜ୍‌ କରୁଛି । ଲଗାତାର ନମ୍ବର ୪ରେ ରହି ଆସୁଥିବା ଏହି ସୋ’ ଦର୍ଶକଙ୍କ ମନୋରଞ୍ଜନ ପାଇଁ ଭିନ୍ନ ଭିନ୍ନ ବାଟ ଆପଣାଉଥିବା ଦେଖାଯାଉଛି । ଅନେକ ସମୟରେ ପ୍ରତିଯୋଗୀମାନଙ୍କର ବ୍ୟକ୍ତିଗତ ଜୀବନର କାହାଣୀ ସୋ’କୁ ଚର୍ଚ୍ଚିତ କରାଉଛି ତ ବେଳେ ବେଳେ ବିଗ୍‌ ବିଙ୍କ ଖୁଲାସା ସୋ’ର ଟିଆର୍‌ପିକୁ ବଢ଼ାଉଛି । ଏବେ ଜଣେ ପ୍ରତିଯୋଗୀ ଅଭିନେତ୍ରୀ ଐଶ୍ୱର୍ଯ୍ୟାଙ୍କ ଆଖିକୁ ପ୍ରଶଂସା କରିବାକୁ ନେଇ ସୋ’ଟି ଚର୍ଚ୍ଚାରେ ରହିଛି ।

अब तो शो को मिले तीन करोड़पति
oneindia.com

ସୂଚନା ମୁତାବକ, ସୋ’କୁ ଆସିଥିବା ଜଣେ ପ୍ରତିଯୋଗୀ ବିଗ୍‌ ବିଙ୍କ ଆଗରେ ତାଙ୍କ ବୋହୂ ତଥା ଅଭିନେତ୍ରୀ ଐଶ୍ୱର୍ଯ୍ୟା ରାୟ ବଚ୍ଚନଙ୍କ ଆଖିକୁ ପ୍ରଶଂସା କରିଥିଲେ । ପ୍ରତିଯୋଗୀ କହିଥିଲେ କି, ତାଙ୍କ ଆଖିକୁ ମୁଁ ବହୁତ ଭଲ ପାଏ । ତାଙ୍କ ଆଖି ସମସ୍ତଙ୍କଠାରୁ ଭିନ୍ନ, ଯାହା ବହୁତ କିଛି କହିଥାଏ । ପ୍ରତିଯୋଗୀଙ୍କ ଏଭଳି କଥା ଶୁଣି ବିଗ୍‌ ବି କିଛି ସମୟ ଚୁପ୍‌ ରହିବା ସହ କହିଥିଲେ କି, ଯଦି ତୁମେ ଐଶ୍ୱର୍ଯ୍ୟାଙ୍କୁ ଛାଡ଼ି ମୋ ଆଖିର ପ୍ରଶଂସା କରିଥାନ୍ତ, ତେବେ ମୁଁ ଅଧିକ ଖୁସି ହୋଇଥାନ୍ତି । ବିଗ୍‌ ବିଙ୍କ ଏଭଳି ପ୍ରତିକ୍ରିୟା ଶୁଣି ଉପସ୍ଥିତ ଲୋକେ ହସିବାକୁ ଲାଗିଥିଲେ ।

ସମ୍ବନ୍ଧିତ ଖବର