ମୁମ୍ବାଇ : ଆଇସିସି ବିଶ୍ବକପ ଫାଇନାଲରେ ପ୍ରବେଶ କରିଛି ଟିମ ଇଣ୍ଡିଆ । ଅର୍ଥାତ୍ ବିଶ୍ବ ଚାମ୍ପିଅନ ହେବାଠାରୁ ଆଉ ମାତ୍ର ଗୋଟିଏ ବିଜୟ ବାକି ରହିଛି । ବୁଧବାର ଖେଳାଯାଇଥିବା ସେମିଫାଇନାଲ ମ୍ୟାଚରେ ଭାରତ ନ୍ୟୁଜିଲାଣ୍ଡକୁ ୭୦ ରନରେ ପରାସ୍ତ କରିଥିଲା । ଭାରତ ଦ୍ବାରା ରଖାଯାଇଥିବା ୩୯୮ ରନ ଲକ୍ଷ୍ୟ ଜବାବରେ ନ୍ୟୁଜିଲାଣ୍ଡ ୩୨୭ ରନ କରି ଅଲଆଉଟ ହୋଇଯାଇଥିଲା । ଏବେ ଭାରତ ୧୯ତାରିଖରେ ଫାଇନାଲ ମ୍ୟାଚ୍ ଖେଳିବ। ଏହି ମ୍ୟାଚ୍ ଦେଖିବା ପାଇଁ ସାରା ବିଶ୍ବ ଅନାଇ ବସିଥିବା ବେଳେ ଲୋକ ବିଗ୍ ବି ଅମିତାଭ ବଚ୍ଚନଙ୍କୁ ମ୍ୟାଚ୍ ନଦେଖିବାକୁ ଅନୁରୋଧ କରିଛନ୍ତି।

Advertisment

ବିଗ୍ ବିଙ୍କ ଏକ ଏକ୍ସ ପୋଷ୍ଟ ପରେ ଲୋକେ ତାଙ୍କୁ ଏଭଳି ଅନୁରୋଧ କରିଛନ୍ତି। ସୂଚନା ମୁତାବକ, ଭାରତ ସେମିଫାଇନାଲ ଜିତିବା ପରେ ଖୁସି ବ୍ୟକ୍ତ କରି ବିଗ୍ ବି ଲେଖିଥିଲେ, ମୁଁ ଯେତେବେଳେ ମ୍ୟାଚ୍ ଦେଖେ ନାହିଁ, ଆମେ ଜିତି ଯାଉ। ତାଙ୍କର ଏହି ପୋଷ୍ଟ ପରେ ଦୟାକରି ଆପଣ ଫାଇନାଲ ମ୍ୟାଚ୍ ଦେଖିବେ ନାହିଁ ବୋଲି ଲୋକେ ତାଙ୍କୁ ଅନୁରୋଧ କରିଥିବା ଦେଖାଯାଇଛି।