ବ୍ଲାକ୍‌ମେଲ ଫିଲ୍ମ ଦେଖିବା ପରେ ଏହି ମତ ରଖିଲେ ବିଗ୍‌ ବି ଅଭିତାଭ ବଚ୍ଚନ

ମୁମ୍ବାଇ: ସଂପ୍ରତି ଠଗ୍‌ସ ଅଫ୍‌ ହିନ୍ଦୁସ୍ତାନର ସୁଟିଂରେ ବ୍ୟସ୍ତ ଅଛନ୍ତି ବିଗ୍‌ ବି ଅମିତାଭ ବଚ୍ଚନ । କିନ୍ତୁ ନିଜ ବ୍ୟସ୍ତତା ଭିତରୁ ନିଜ ପ୍ରିୟବନ୍ଧୁମାନଙ୍କୁ ସମୟ ଦେବାକୁ ସେ କେବେ  ବି ଭୁଲନ୍ତି ନାହିଁ ତାହାର ପ୍ରମାଣ ସେ କରିଛନ୍ତି । ଏତେ ବ୍ୟସ୍ତତା ମଧ୍ୟରେ ଇର୍‌ଫାନ୍‌ ଖାନ୍‌ଙ୍କ ଅଭିନୀତ ଫିଲ୍ମ ବ୍ଲାକ୍‌ମେଲ୍‌ର ସ୍ପେଶାଲ ସ୍କ୍ରିନିଙ୍ଗରେ ସେ ଯୋଗ ଦେଇଥିଲେ ବୋଲି ଜଣା ପଡ଼ିଛି । ଫିଲ୍ମଟି ଦେଖି ସାରିବା ପରେ ନିଜ ଟ୍ଵିଟର ଆକାଉଣ୍ଟକୁ ଯାଇ ସେ ଫିଲ୍ମ ବିଷୟରେ ନିଜର ମତ ରଖିଥିଲେ ।

T 2760 - Saw a delightful film today .. "BLACKMAIL" ..https://t.co/e79YFffALp .. a brilliant screenplay, unique story, exemplary performances and great presentation and editing ..
Actors excel from Irfan Khan to some fresh new faces .. so happy to see such creativity .. !! pic.twitter.com/Srv9BgiOE2

— Amitabh Bachchan (@SrBachchan) March 31, 2018

ଫିଲ୍ମକୁ ଡ଼ିଲାଇଟ୍‌ଫୁଲ୍‌ କହିବା ସହ, ସେ ଫିଲ୍ମ ସହ ଜଡ଼ିତ ସବୁ କଳାକାର ଏବଂ ଟେକ୍‌ନିସିଆନ୍‌ମାନଙ୍କୁ  ପ୍ରଶଂସା କରିଛନ୍ତି । ଏକ ଭିନ୍ନ କାହାଣୀକୁ ସମସ୍ତଙ୍କ ସାମ୍ନାକୁ ଆଣିଥିବାରୁ ବିଗ୍‌ ବି ନର୍ଦ୍ଦେଶକ ଅଭିନୟ ଦେଓଙ୍କୁ ଅନେକ ପ୍ରଶଂସା କରିଛନ୍ତି । ଫିଲ୍ମଟି ଏପ୍ରିଲ ୬ରେ ରିଲିଜ ହେବାକୁ ଥିବା ବେଳେ ଇର୍‌ଫାନଙ୍କ ତରଫରୁ ନିର୍ମାତା ଭୁଷଣ କୁମାର ଏବଂ ନିର୍ଦ୍ଦେଶକ ଅଭିନୟ ନେଓ ଅମିତାଭଙ୍କ ପାଇଁ ସ୍ପେଶାଲ ସ୍କ୍ରିନିଙ୍ଗ ରଖିଥିଲେ ବୋଲି ଜଣା ପଡ଼ିଛି । ଇର୍‌ଫାନଙ୍କ ସ୍ୱାସ୍ଥ୍ୟ ଅବସ୍ଥା ଭଲ ନଥିବାରୁ ସେ ଏହି ସ୍କ୍ରିନିଙ୍ଗରେ ଯୋଗ ଦେଇ ପାରି ନଥିଲେ ବୋଲି ସୂଚନା ମିଳିଛି । ଏହି ଫିଲ୍ମରେ ଇର୍‌ଫାନଙ୍କ ସହ କ୍ରିତି କୁଲ୍ହାରୀ, ଦିବ୍ୟା ଦତ୍ତା, ଅରୁଣଦୋୟ ସିଂ, ଓମି ବୈଦ୍ୟ ଏବଂ ଅନୁଜା ସାଠେ ଇତ୍ୟାଦି ନଜର ଆସିବେ ବୋଲି ଜଣା ପଡ଼ିଛି ।