ମୁମ୍ବାଇ : ଡାକ୍ତରଖାନାରେ ଭର୍ତ୍ତି ହେଲେ ବଲିଉଡ୍ର ମହାନାୟକ ଅମିତାଭ ବଚ୍ଚନ । ଅନେକ ବର୍ଷ ଧରି ତାଙ୍କର ଯକୃତ ସମସ୍ୟା ରହି ଆସିଥିବା ବେଳେ କେବଳ ୨୫ପ୍ରତିଶତ ଯକୃତ କାମ କରୁଥିବା ନେଇ ଖୁଲାସା କରିଥିଲେ ବିଗ୍ ବି । ଏବେ ତଙ୍କର ସେହି ସମସ୍ୟା ବଢ଼ିବା ସହ ତାଙ୍କୁ ଚିକିତ୍ସା ପାଇଁ ନାନାବତୀ ଡାକ୍ତରଖାନାରେ ଭର୍ତ୍ତି କରାଯାଇଥବା ଜଣା ପଡ଼ିଛି । ତେବେ ମଙ୍ଗଳବାରଠାରୁ ତାଙ୍କୁ ଡାକ୍ତରଖାନାରେ ରଖାଯାଇଥିବା ବେଳେ ଏବେ ଖବରଟି ସାମ୍ନାକୁ ଆସିଛି । ମଙ୍ଗଳବାର ରାତି ୨ଟାରେ ତାଙ୍କର ସ୍ୱାସ୍ଥ୍ୟାବସ୍ଥା ବିଗିଡ଼ିବାରୁ ତାଙ୍କୁ ତୁରନ୍ତ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ଏବେ ଚିକିତ୍ସା ପରେ ସେ ଧିରେ ଧିରେ ସୁସ୍ଥ ହେଉଥିବା ନେଇ ସୂଚନା ମିଳିଛି ।
Sambad is now on WhatsApp
Join and get latest news updates delivered to you via WhatsApp
ଡାକ୍ତରଖାନାର ଏକ ସ୍ୱତନ୍ତ୍ର କେବିନ୍ରେ ତାଙ୍କୁ ରଖାଯାଇ ଚିକିତ୍ସା କରାଯାଉଥିବା ବେଳେ କେବିନ ବାହାରେ ୪ଜଣ ସୁରକ୍ଷା ଗାର୍ଡ ତାଙ୍କୁ ଜଗି ରହିଛନ୍ତି । ତେବେ ବିଗ୍ ବି ବା ତାଙ୍କ ପରିବାର ପକ୍ଷରୁ ଏ ନେଇ କୌଣସି ସୂଚନା ଦିଆଯାଇ ନଥିବା ବେଳେ ଏକ ବିଶେଷ ସୂତ୍ରରୁ ଖବରଟି ସାମ୍ନାକୁ ଆସିଛି । ଡାକ୍ତରଖାନାରେ ଭର୍ତ୍ତି ହୋଇ ମଧ୍ୟ ବିଗ୍ ବି ଟୁଇଟ୍ରରେ ସକ୍ରିୟ ରହିବା ସହ ଅନେକ ଟୁଇଟ୍ କରୁଥିବା ଦେଖାଯାଇଛି ।