ଅତୀତକୁ ରୋମନ୍ଥନ କଲେ ବିଗ୍ ବି; ସୁପରଷ୍ଟାର ଶ୍ରୀଦେବୀଙ୍କ ସହ ପୁୁରୁଣା ଫଟୋ ସେୟାର କଲେ, ସାଥୀରେ ନଜର ଆସିଲେ ସଲମାନ ଏବଂ ଆମୀର…
ମୁମ୍ବାଇ: ନିଜ ଶବ୍ଦର ଚାତୁରୀ ସହ ସୋସିଆଲ ମିଡିଆରେ ବିଗ୍ ବି ସେୟାର କରୁଥିବା ଫଟୋର ଗୁରୁତ୍ୱ ମଧ୍ୟ ସବୁ ବେଳେ ଅଧିକ ରହିଥାଏ, ତାଙ୍କ ଫ୍ୟାନ୍ଙ୍କ ମଧ୍ୟରେ । ତାଙ୍କ କହିବା ଓ ଲେଖିବାର ଅନ୍ଦାଜକୁ ଯେମିତି ସମସ୍ତେ ପସନ୍ଦ କରନ୍ତି, ସେମିତି ସୋସିଆଲ ମିଡିଆରେ ନିଜର ଭାବ ବ୍ୟକ୍ତ କରିବାର ଶୈଳୀକୁ ମଧ୍ୟ ସମସ୍ତେ ପସନ୍ଦ କରିଥାନ୍ତି । ବିଭିନ୍ନ ସମୟରେ କୌଣସି ପ୍ରସଙ୍ଗ ବିଷୟରେ ନିଜ ସୋସିଆଲ ମିଡିଆରେ ମଜାଦାର ଫଟୋ ସେୟାର କରି ସେ ନିଜ ପ୍ରଶଂସକଙ୍କୁ ଜଣାଇଥାନ୍ତି । ଏବେ ସେ ୮୦ ଦଶକର ଏକ କନସର୍ଟର ପ୍ରସ୍ତୁତି ଚାଲୁଥିବା ସମୟର ଫଟୋ ସେୟାର କରିଛନ୍ତି ବିଗ୍ ବି । କିନ୍ତୁ ସେ ଫଟୋରେ ସେ ଯାହା ଦେଖାଇବାକୁ ଚେଷ୍ଟା କରିଛନ୍ତି, ତାକୁ ନେଇ ଐଏବେ ଫଟୋ ଉପରେ ଚର୍ଚ୍ଚା ଆରମ୍ଭ ହୋଇଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ବିଗ୍ ବି ସେୟାର କରିଥିବା ଫଟୋରେ ବିଗ୍ ବିଙ୍କ ସମେତ ଅଭିନେତା ସଲମାନ ଖାନ୍, ଆମୀର ଖାନ୍ ଏବଂ ଦିବଂଗତ ଅଭିନେତ୍ରୀ ତଥା ପ୍ରଥମ ମହିଳା ସୁପରଷ୍ଟାର ଶ୍ରୀଦେବୀ ନଜର ଆସିଛନ୍ତି । ଫଟୋ ସେୟାର କରି ବିଗ୍ ବି ‘ସେ ଦିନ ଥିଲା’… ବୋଲି କ୍ୟାପ୍ସନ ଦେଇଥିବା ଦେଖା ଯାଇଛି । ଫଟୋ ସେୟାର କରି ଆମୀର ଏବଂ ସଲମାନ ଯିବା ପାଇଁ ଚାହୁଁ ନଥିବା ବେଳେ ମୁଁ ସେମାନଙ୍କୁ ବାଧ୍ୟ କରି ନେଇ ଯାଇଥିଲି ବୋଲି ଲେଖିଛନ୍ତି ବିଗ୍ ବି । ଫଟୋଟି ଓ୍ଵିମ୍ବଲେ ଷ୍ଟାଡିୟମ୍ର ବୋଲି ଜଣା ପଡ଼ିଛି ।