ନୂଆଦିଲ୍ଲୀ: କୁଇଜ୍ ରିଆଲିଟି ସୋ ’କୌନ ବନେଗା କରୋଡ଼ପତିର ୧୬ତମ ସିଜିନ ଆରମ୍ଭ ହୋଇଛି | ଏହି ସିଜିନରେ ଅମିତାଭ ବଚ୍ଚନ ମଧ୍ୟ ହୋଷ୍ଟ କରୁଥିବା ଦେଖିବାକୁ ମିଳିଛି। କୌନ ବନେଗା କରୋଡ଼ପତିର ପ୍ରତି ସିଜିନରେ, କିଛି ପରିବର୍ତ୍ତନ କରାଯାଇଥାଏ | କୌନ ବନେଗା କରୋଡ଼ପତିର ୧୬ଟି ସିଜିନ ମଧ୍ୟରୁ ୧୫ଟିରେ ଅମିତାଭ ବଚ୍ଚନ ହୋଷ୍ଟ ଭୂମିକା ତୁଲାଇଥିଲେ | ସିଜିନ-୩ ଏକମାତ୍ର ଏମିତି ସିଜିନ ଥିଲା ଯାହାକୁ ଅମିତାଭ ବଚ୍ଚନ ହୋଷ୍ଟ କରିନଥିଲେ |ଆସନ୍ତୁ ଜାଣିବା ଅମିତାଭ ବଚ୍ଚନ କାହିଁକି ଏହି ସିଜିନରେ ହୋଷ୍ଟ କରିନଥିଲେ ?

Advertisment

ଶାହାରୁଖ ଖାନ ବିଗ୍ ବିଙ୍କ ସ୍ଥାନରେ କୌନ ବନେଗା କରୋଡ଼ପତି ସିଜିନ-୩ ହୋଷ୍ଟ କରୁଥିବା ଦେଖିବାକୁ ମିଳିଥିଲା। ଏହାକୁ ହୋଷ୍ଟ ନକରିବାର କାରଣ ସାମ୍ନାକୁ ଆସିଛି। ଖବର ଅନୁଯାୟୀ ଅମିତାଭ ବଚ୍ଚନଙ୍କ ସ୍ୱାସ୍ଥ୍ୟ ସେତେବେଳେ ଭଲ ନଥିଲା, ଯେଉଁଥିପାଇଁ ଶାହାରୁଖ ଖାନ ତାଙ୍କ ସ୍ଥାନରେ କେବିସିର ହୋଷ୍ଟ ହୋଇଥିଲେ | ଏହି ସିଜିନରେ ବିଗ୍ ବିଙ୍କ ଅନୁପସ୍ଥିତି ଯୋଗୁଁ ଏହା ବିଫଳ ହୋଇଥିଲା | କେବିସି ୧୬ ଅଗଷ୍ଟ ୧୨ରୁ ପ୍ରିମିୟର୍ ହୋଇଛି | କେବିସି ଆରମ୍ଭ ହେବାର ଏତେ ବର୍ଷ ବିତିଗଲାଣି, ଆଉ ଏହି କାରଣରୁ ବିଗ୍ ବି ପ୍ରିମିୟର୍ ଏପିସୋଡରେ ସମସ୍ତଙ୍କୁ କୃତଜ୍ଞତା ଜଣାଇଥିଲା | ଏହି ସମୟ ମଧ୍ୟରେ ଅମିତାଭ ବଚ୍ଚନ ମଧ୍ୟ ଭାବପ୍ରବଣ ହୋଇପଡିଥିଲେ । ପ୍ରତ୍ୟେକ ସିଜିନରେ, ଅନେକ ସେଲିବ୍ରେଟି ଭାଗ ନେବାକୁ ଆସନ୍ତି ଓ ଜିତିଥିବା ଅର୍ଥକୁ ଦାନ କରନ୍ତି |