ରେଖାଙ୍କୁ କ୍ରୋଧରେ ଚାପୁଡ଼ା ମାରିଥିଲେ ଅମିତାଭ

ମୁମ୍ବାଇ: ବଲିଉଡରେ ଅମିତାଭ ବଚ୍ଚନ ଏବଂ ରେଖାଙ୍କ ପ୍ରେମ କାହାଣୀ ବିଷୟରେ ସଭିଙ୍କୁ ଜଣା। ଏକ ସମୟ ଥିଲା ଯେତେ‌ବେଳେ ସେମାନଙ୍କ ପ୍ରେମ ବିଷୟରେ ଅନେକ ଚର୍ଚ୍ଚା ହେଉଥିଲା । ଆଜି ମଧ୍ୟ ଯଦି ଉଭୟଙ୍କୁ ଏକାଠି କୌଣସି ସ୍ଥାନରେ ଦେଖାଯାଏ, ତେବେ ସେମାନଙ୍କ ପ୍ରଶଂସକମାନେ ସେମାନଙ୍କ ମଧ୍ୟରେ ଥିବା ପୁରୁଣା ସମ୍ପର୍କକୁ ମନେ ପକାଇଥାନ୍ତି।  କିନ୍ତୁ ଏପରି ଏକ ସମୟ ଥିଲା ଯେତେବେଳେ ଅମିତାଭ ବଚ୍ଚନ ଥରେ ରେଖାଙ୍କୁ ଅନ୍ୟ ଜଣେ ଅଭିନେତ୍ରୀଙ୍କ ପାଇଁ କ୍ରୋଧରେ ଚାପୁଡ଼ା ମାରିଥିଲେ।

ଅମିତାଭ ବଚ୍ଚନ ତାଙ୍କ ଫିଲ୍ମ 'ଲାୱାରିସ୍'ର ସୁଟିଂ କରୁଥିବା ସମୟରେ ଏହି ଘଟଣା ଘଟିଥିଲା। ଏହି ଚଳଚ୍ଚିତ୍ରରେ ତାଙ୍କ ସହ ଲିଡ୍ ଅଭିନେତ୍ରୀ ଭୂମିକାରେ ଜିନତ ଅମାନ ଥିଲେ। ଏହି ଚଳଚ୍ଚିତ୍ରର ମୁଖ୍ୟ ଭୂମିକାରେ ନେଲି ନାମକ ଜଣେ ଇରାନୀ ନୃତ୍ୟଶିଳ୍ପୀ ନଜର ଆସିଥିଲେ।

ଏହି ନୃତ୍ୟଶିଳ୍ପୀଙ୍କ ନୃତ୍ୟ ଦେଖିବା ପରେ ଅମିତାଭ ତାଙ୍କ ଦ୍ବାରା ବହୁତ ପ୍ରଭାବିତ ହୋଇଥିଲେ ଏବଂ ସେମାନଙ୍କ ସମ୍ପର୍କର ଖବର ମଧ୍ୟ ଗଣମାଧ୍ୟମରେ ପ୍ରକାଶ ପାଇବାରେ ଲାଗିଥିଲା।

ଅମିତାଭ ବଚ୍ଚନଙ୍କୁ ଗଭୀର ଭାବେ ପ୍ରେମ କରୁଥିବା ରେଖା ଯେତେବେଳେ ଇରାନର ଜଣେ ନୃତ୍ୟଶିଳ୍ପୀଙ୍କ ସହ ବିଗ୍ ବିଙ୍କ ସମ୍ପର୍କ ବିଷୟରେ ଜାଣିଲେ ସେତେବେଳେ ବିରକ୍ତ ହୋଇ ସୁଟିଂ ସେଟ୍‌ ବାହାରିଲେ।  

ଏହା ପରେ ରେଖା ଅମିତାଭ ବଚ୍ଚନଙ୍କୁ ଏନେଇ ପ୍ରଶ୍ନ କରିବା ପାଇଁ ଫିଲ୍ମ 'ଲାୱାରିସ୍'ର ସେଟରେ ପହଞ୍ଚିଥିଲେ। ଯେତେବେଳେ ରେଖା ସ୍ପଷ୍ଟୀକରଣ ମାଗିଥିଲେ, ସେତେବେଳେ ସେ ଅମିତାଭ ବଚ୍ଚନଙ୍କ ସହ ଯୁକ୍ତିତର୍କ କରିଥିଲେ। ଝଗଡ଼ା ବଢ଼ିଯାଇଥିଲା। ଅମିତାଭ ବଚ୍ଚନ କ୍ରୋଧିତ ହୋଇ ରେଖାଙ୍କୁ ଚାପୁଡ଼ା ମାରିଥିଲେ।

ଅମିତାଭ ବଚ୍ଚନଙ୍କ ଚାପୁଡ଼ା ଯୋଗୁ ରେଖା ଗଭୀର ମାନସିକ ଆଘାତ ପାଇଥିଲେ ଏବଂ କ୍ରୋଧରେ ସେ ୟଶ ଚୋପ୍ରାଙ୍କ ଫିଲ୍ମ 'ସିଲସିଲା'ରେ ବିଗ୍ ବି ସହିତ କାମ କରିବାକୁ ମନା କରିଦେଇଥିଲେ। ତେବେ ୟଶ ଚୋପ୍ରା ତାଙ୍କୁ ବୁଝାଇ ଫିଲ୍ମରେ କାମ କରିବାକୁ ନିଶ୍ଚିତ କରିଥିଲେ।

ଏହି ଚଳଚ୍ଚିତ୍ରରେ ରେଖା ଏବଂ ଅମିତାଭ ବଚ୍ଚନଙ୍କ ବ୍ୟତୀତ ଜୟା ବଚ୍ଚନ ମଧ୍ୟ ନଜର ଆସିଥିଲେ। 'ସିଲସିଲା' ହେଉଛି ଶେଷ ଚଳଚ୍ଚିତ୍ର ଯେଉଁଥିରେ ରେଖା ଏବଂ ଅମିତାଭ ବଚ୍ଚନ ଏକାଠି ନଜର ଆସିଥିଲେ। ଏହା ପରେ ଦୁହେଁ କୌଣସି ଫିଲ୍ମରେ ଏକାଠି କାମ କରି ନ ଥିଲେ।