ମୁମ୍ବାଇ: ଖୁବ୍ ଶୀଘ୍ର ଛୋଟ ପରଦାରେ ନଜର ଆସିବେ ବିଗ୍ ବି ଅମିତାଭ ବଚ୍ଚନ। ସୋନି ଟିଭିରେ ପ୍ରସାରିତ ହେଉଥିବା ‘କୌନ ବନେଗା କୋରଡପତି’ର ଇତି ମଧ୍ୟରେ ୯ଟି ପର୍ଯ୍ୟାୟ ଶେଷ ହୋଇଯାଇଛି। ତେବେ ବିଗ୍ ବି କେବିସି ସିଜିନ୍-୧୦ରେ ଆସିବା ପାଇଁ ପ୍ରସ୍ତୁତ ହେଉଥିବା ସୂଚନା ରହିଛି।
Sambad is now on WhatsApp
Join and get latest news updates delivered to you via WhatsApp
ମଙ୍ଗଳବାର ଗଣମାଧ୍ୟମରେ ବଲିଉଡ୍ର ଏହି ବାଦ୍ଶାହା ପ୍ରକାଶ କରିଛନ୍ତି ଯେ ଖୁବ୍ ଶୀଘ୍ର ସେ ନିଜ ନାତୁଣୀ ଆରାଧ୍ୟଙ୍କ ସହ ଏହି ବହୁ ଲୋକପ୍ରିୟ ସୋ’ରେ ନଜର ଆସିବେ। ବାସ୍ତବ କଥା ହେଉଛି ଜଣେ ରିପୋର୍ଟର ବିଗ୍ ବିଙ୍କୁ ପ୍ରଶ୍ନ ପଚାରିଥିଲେ ଯେ ‘ଆପଣ କେବେ ଆପଣଙ୍କ ନାତୁଣୀ ଆରାଧ୍ୟାଙ୍କ ସହ କେବିସି ଖେଳିଛନ୍ତି’? ରିପୋର୍ଟରଙ୍କ ଏହି ପ୍ରଶ୍ନର ଉତ୍ତର ଦେଇ ବିଗ୍ ବି କହିଛନ୍ତି, ‘ନାଁ ଖେଳିନାହିଁ। ମାତ୍ର ଏହା ଏକ ଭଲ ଚିନ୍ତା। ଖୁବ୍ ଶୀଘ୍ର ମୁଁ ଆରାଧ୍ୟା ସହ ଏହି ଗେମ୍ ଖେଳିବି।’
ତା’ପରେ ବିଗ୍ ବି ପୁଣି କହିଛନ୍ତି ଯେ ଆରାଧ୍ୟ ଖୁବ୍ ସାନ ହୋଇଥିବାରୁ କେବିସିର ନୀତି ସଂପର୍କରେ ତାକୁ ବୁଝାଇବା କଷ୍ଟ ହେବ। ମାତ୍ର ସୋ’ର ସିଗ୍ନେଚର୍ ଟିଉନ୍କୁ ଆରାଧ୍ୟା ଖୁବ୍ ପସନ୍ଦ କରେ ବୋଲି ବଚ୍ଚନ ସାହେବ କହିଛନ୍ତି। ଆପଣ ତ ଏକଥା ନିଶ୍ଚୟ ଜାଣିଥିବେ ଯେ ଅଭିଷେକ ବଚ୍ଚନ ଓ ଐଶ୍ୱର୍ଯ୍ୟାଙ୍କ ଝିଅ ଆରାଧ୍ୟା ନିଜ ଜେଜେବାପାଙ୍କ ସହ ଖୁବ୍ ଘନିଷ୍ଠ।