ଅମ୍ଳାନ-ରୀୟାଙ୍କ ଅଭିନୀତ ଏହି ଓଡ଼ିଆ ସିନେମାର ସିକ୍ୟୁଏଲ୍ ଆସୁଛି!
ଭୁବନେଶ୍ବର: ରୀୟା ଏବଂ ଅମ୍ଳାନ ଏବେକାର ଜଣେ ବ୍ୟସ୍ତ ନାୟକ ନାୟିକା। ଅମ୍ଳାନ ୨୦୧୩ରେ ‘ଟାର୍ଗେଟ’ ସିନେମାରୁ ଓଲିଉଡରେ ହିରୋଭାବେ ଡେବ୍ୟୁ କରିବା ପରେ ନିୟମିତ ଭାବେ ସିନେମାରେ କାମ କରି ଆସୁଛନ୍ତି । ତାଙ୍କର ବର୍ଷକୁ ପ୍ରାୟତଃ ୨ ରୁ ୩ ଟି ଲେଖାଏଁ ସିନେମା ରିଲିଜ୍ ହୋଇଛି ।
Sambad is now on WhatsApp
Join and get latest news updates delivered to you via WhatsApp
ରୀୟା ‘ପ୍ରେମ ଅଢେଇ ଅକ୍ଷର’ରୁ କ୍ୟାରିଅର୍ ଆରମ୍ଭ କରିଥିଲେ। ଏହାପରେ ସେ ବି ବହୁ ସିନେମାରେ ନାୟିକା ଭୂମିକାରେ ନଜର ଆସିଛନ୍ତି। ଏବେ ଉଭୟଙ୍କ ହାତରେ କିଛି ସିନେମା ରହିଛି। ଏହାର ଟାଇଟଲ୍ ‘ଗୋଲାପି ଗୋଲାପି-୨’।
୨୦୧୪ରେ ରିଲିଜ୍ ହୋଇଥିବା ଫିଲ୍ମ ‘ଗୋଲାପି ଗୋଲାପି’ର ଏହା ସିକ୍ୟୁଏଲ୍ ବୋଲି ଜଣାଯାଇଛି। ସୀତାରାମ ଅଗ୍ରଓ୍ବାଲଙ୍କ ପ୍ରଯୋଜିତ ତଥା ସୁଶାନ୍ତ ମଣିଙ୍କ ନିର୍ଦେଶିତ ଏହି ସିନେମାରେ ଅମ୍ଳାନ, ରୀୟା ଦେ, ମିହିର ଦାସ ଓ ଅପରାଜିତା ପ୍ରମୁଖଙ୍କୁ ମୁଖ୍ୟ ଭୂମିକାରେ ଦେଖିବାକୁ ମିଳିଥିଲା। ହେଲେ ‘ଗୋଲାପି ଗୋଲାପି-୨’ର ନିର୍ଦେଶକ ହେଲେ ମୃତ୍ୟୁଞ୍ଜୟ ସାହୁ(ବାପି), ଯିଏ କି ଆଗରୁ ‘ବ୍ୟାଚେଲର୍’, ‘ଯିଏ ଯାହା କହୁ ମୋର ଢୋ’, ‘ଗୋଟେ ଶୁଆ ଗୋଟେ ଶାରୀ‘, ‘ଭୈରବ’, ‘ନାୟକର ନାଆଁ ଦେବଦାସ’ ଆଦିର ନିର୍ଦେଶନା ଦେଇଛନ୍ତି।
‘ଗୋଲାପି ଗୋଲାପି-୨’ରେ ଦର୍ଶକ ପୁଣି ଥରେ ଅମ୍ଳାନ-ରୀୟାଙ୍କୁ ଭେଟିବେ। ଆଗରୁ ଏହି ଯୋଡ଼ି ‘ତୁ ମୋ ଦେହର ଛାଇ’, ‘ଗୋଲାପି ଗୋଲାପି’, ‘ପାଗଳ କରିଛୁ ତୁ’, ‘କଲେଜ୍ ଟାଇମ୍’ ଓ ‘ତୋର ଦିନେକୁ ମୋର ଦିନେ’ ଆଦି ଓଡ଼ିଆ ସିନେମାରେ ନଜର ଆସିଥିଲେ। ‘ଗୋଲାପି ଗୋଲାପି’ ଭଳି ଏହାର ସିକ୍ୟୁଏଲ୍ ଦର୍ଶକଙ୍କୁ ଆକୃଷ୍ଟ କରିପାରୁଛି କି ନା, ତାହା ଦେଖିବାକୁ ବାକି ରହିଲା।