ପ୍ରଥମ ଥରପାଇଁ ଏହି ନାୟିକାଙ୍କ ସହ ନଜର ଆସିବେ ଅମ୍ଳାନ

ଭୁବନେଶ୍ବର: ଝିଲିକ୍, ରୀୟା, ନୀହାରିକା,ସନମୀରା,ପତ୍ରାଲୀ ଏବଂ ଅନୁଭାଙ୍କ ଭଳି ନାୟିକାଙ୍କ ପରେ ଆଉଜଣେ ନାୟିକାଙ୍କ ସହ ସହ ସ୍କ୍ରିନ୍ ସେଆର କରିବେ ଓଲିଉଡ ନାୟକ ଅମ୍ଳାନ। ଏଠାରେ ଯେଉଁ ନାୟିକାଙ୍କ କଥା କୁହାଯାଉଛି ସେ ହେଲେ ତମନ୍ନା।

୨୦୧୯ରେ ଅମ୍ଳାନ ‘ଫ୍ରମ୍ ମି ଟୁ ୟୁ’ ଜରିଆରେ ଓଲିଉଡକୁ ଫେରିଥିଲେ। ଅମ୍ଳାନ ୨୦୧୩ରେ ‘ଟାର୍ଗେଟ’ ସିନେମାରୁ ଓଲିଉଡରେ ହିରୋଭାବେ ଡେବ୍ୟୁ କରିବା ପରେ ନିୟମିତ ଭାବେ ସିନେମାରେ କାମ କରି ଆସୁଥିଲେ । ତାଙ୍କର ବର୍ଷକୁ ୨ ରୁ ୩ ଟି ଲେଖାଏଁ ସିନେମା ବି ରିଲିଜ୍‌ ହେଉଥିଲା। ୨୦୧୭ରେ ଅମ୍ଳାନଙ୍କୁ ‘ ସପନର ପଥେପଥେ’ ଓ ‘ବଜରଙ୍ଗୀ’ ଭଳି ସିନେମାରେ ନାୟକ ଭୂମିକାରେ ଦେଖିବାକୁ ପାଇଥିଲେ ଦର୍ଶକ ।

ଏବେ ତାଙ୍କୁ ମିଳିଛି ପୁଣି ଏକ ନୂଆ ସିନେମା ଯାହାର ଟାଇଟଲ ହେଲା ‘ରୋମିଓ ରାଜା’। ଏହା ଏକ ରୋମାଣ୍ଟିକ୍ କମେଡି। ଏଥିରେ ଦର୍ଶକ ପ୍ରଥମ ଥରଲାଗି ଓଲିଉଡ଼୍‍ର ଜଣାଶୁଣା ନାୟିକା ତମନ୍ନାଙ୍କ ବିପକ୍ଷରେ ଦେଖିବାକୁ ପାଇବେ ଅମ୍ଳାନଙ୍କୁ।ଆଗରୁ ତମନ୍ନାଙ୍କୁ ବାବୁସାନ, ଅନୁଭବ, ଅର୍ଦ୍ଧେନ୍ଦୁ,ଜ୍ୟୋତି,ଦେବ ପ୍ରମୁଖ ନାୟକଙ୍କ ସହ ଦେଖିବାକୁ ମିଳିଛି।ତେବେ ପ୍ରଥମ ଥର ଅମ୍ଳାନ-ତମନ୍ନା ଯୋଡ଼ିକୁ  ଦର୍ଶକ କିପରି ପସନ୍ଦ କରୁଛନ୍ତି,ତାହା ଦେଖିବାକୁ ରହିଲା।