ମୁମ୍ବାଇ: ଗତ କିଛି ଦିନ ହେବ ବଲିଉଡ ଅଭିନେତା ଆଦିତ୍ୟ ରୟ କାପୁର ଏବଂ ଅଭିନେତ୍ରୀ ଅନନ୍ୟା ପାଣ୍ଡେଙ୍କ ମଧ୍ୟରେ ପ୍ରେମ ସମ୍ପର୍କ ଥିବା ନେଇ ଚର୍ଚ୍ଚା ହୋଇଆସୁଛି। କିଛି ମାସ ହେବ ଏହି ଚର୍ଚ୍ଚା ହେଉଥିଲେ ବି ଦୁହେଁ ଏହା ଉପରେ କୌଣସି ପ୍ରତିକ୍ରିୟା ରଖିନଥିଲେ। ହେଲେ ଏବେ ଦୁହିଁଙ୍କ ଫଟୋ ସବୁ ପ୍ରମାଣ କରିଦେଇଛି। ଦୁହେଁ ଏବେ ସ୍ପେନରେ ଥିବା ବେଳେ ପରସ୍ପରର ସହ ବିଶେଷ ମୂହୁର୍ତ୍ତ ବିତାଉଥିବାର ଫଟୋ ସାମ୍ନାକୁ ଆସିଛି।

Advertisment

ଏହି ପ୍ରେମୀଯୁଗଳଙ୍କର ସୁନ୍ଦର ଫଟୋ ଏବେ ମିଡିଆ ଫ୍ୟାଶନ ଫଟୋଗ୍ରାଫର ମାନବ ମଙ୍ଗଲାନି ତାଙ୍କ ଇନଷ୍ଟାଗ୍ରାମ ପେଜରେ ସେୟାର କରିଛନ୍ତି। ଫଟୋରେ ଅନନ୍ୟା ଓ ଆଦିତ୍ୟ ଏକ ବ୍ରିଜ୍ ଉପରେ ଠିଆ ହୋଇ ପରସ୍ପରକୁ ଆଲିଙ୍ଗନ କରୁଛନ୍ତି। ଫଟୋ ସେୟାର କରି ମାନବ ଲେଖିଛନ୍ତି- 'ବ୍ରାଣ୍ଡ୍ ନ୍ୟୁ ଦମ୍ପତି ଆଲର୍ଟ। ଆଦିତ୍ୟ ରୟ କାପୁର ଏବଂ ଅନନ୍ୟା ପାଣ୍ଡେ ଲିସବନରେ ପରସ୍ପର ସହ ସମୟ ବିତାଉଛନ୍ତି।' ଫଟୋରେ ଅଭିନେତା ନୀଳ ଟି-ସାର୍ଟ ସହିତ କଳା ପ୍ୟାଣ୍ଟ ପିନ୍ଧିଥିବା ବେଳେ ଅନନ୍ୟା ନୀଳ ରଙ୍ଗର ପୋଷାକ ପିନ୍ଧିଥିବା ଦେଖାଯାଇଛି। ଉଭୟ ସ୍ପେନରେ ଏକ କନସର୍ଟ ସାଙ୍ଗ ହୋଇ ଦେଖିବା ସହ ଏବେ ପରସ୍ପରର ହାତ ଧରି ଲିସବନର ରାସ୍ତାରେ ବୁଲୁଥିବା ଦେଖିବାକୁ ମିଳିଛି।