‘ଷ୍ଟୁଡ଼େଣ୍ଟ ଅଫ୍ ଦ ଇୟର-୨’ରେ ଅଭିନୟ ଜୀବନ ଆରମ୍ଭ କରିବେ ଚଙ୍କି ପାଣ୍ଡେଙ୍କ ଝିଅ ଅନନ୍ୟା
ମୁମ୍ବାଇ : ପୂର୍ବରୁ ବଲିଉଡ୍ରେ ଅନେକ କଳାକାରଙ୍କର ପୁଅ-ଝିଅ ନିଜ କ୍ୟାରିୟର ଆରମ୍ଭ କରି ସାରିଥିବା ବେଳେ ଏବେ ଆଉ ଏକ ନୂଆ ନାମ ଏହି ତାଲିକାରେ ଯୋଡ଼ି ହୋଇଛି । ୨୦୧୨ରେ ରିଲିଜ ହୋଇ ସାରିଥିବା ‘ଷ୍ଟୁଡ଼େଣ୍ଟ ଅଫ୍ ଦ ଇୟର’ର ଦ୍ୱିତୀୟ ଭାଗ ନିର୍ମାଣ ହେବାକୁ ଯାଉଛି । ଏହି ଫିଲ୍ମରେ ମୁଖ୍ୟ ଭୂମିକାରେ ଟାଇଗର୍ ଶ୍ରଫ୍ ନଜର ଆସୁଥିବା ବେଳେ ତା’ଙ୍କ ବିପକ୍ଷରେ ପ୍ରଥମ ଥର ପାଇଁ ଚଙ୍କି ପାଣ୍ଡେଙ୍କ ଝିଅ ଅନନ୍ୟା ପାଣ୍ଡେ ନାୟିକା ଭାବେ ନଜର ଆସିବେ ବୋଲି ଜଣା ପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
‘ଷ୍ଟୁଡ଼େଣ୍ଟ ଅଫ୍ ଦ ଇୟର’ର ପ୍ରଥମ ଭାଗରେ ଦୁଇ ଜଣ ହିରୋ ସିଦ୍ଧାର୍ଥ ମଲହୋତ୍ରା ଏବଂ ବରୁଣ ଧାଓ୍ଵନଙ୍କୁ ଦେଖିବାକୁ ମିଳିଥିବା ବେଳେ ଏହାର ଦ୍ୱିତୀୟ ଭାଗରେ ଦୁଇ ଜଣ ହିରୋଇନ୍ଙ୍କୁ ଦେଖିବାକୁ ମିଳିବ । ଟାଇଗର ଏବଂ ଅନନ୍ୟାଙ୍କ ସହ ଏଥିରେ ତାରା ସୁତାରିଆ ମଧ୍ୟ ନଜର ଆସୁଥିବା ଜଣାପଡ଼ିଛି । ତାରା ଜଣେ ଗୀତିକାର ହୋଇଥିବା ବେଳେ ଆଗରୁ ଭିଡ଼ିଓ ଜକି ଭାବେ କାମ କରୁଥିଲେ ବୋଲି ସୂଚନା ମିଳିଛି । ଅନ୍ୟ ପକ୍ଷରେ ଫିଲ୍ମରେ ଅନନ୍ୟାଙ୍କ ଉପସ୍ଥିତି ନେଇ ଅନେକଙ୍କ ମନରେ ସନ୍ଦେହ ଉପୁଜିଥିବା ବେଳେ ଫିଲ୍ମର ନିର୍ମାତା ଏହି ଖବରକୁ ନିଜ ତରଫରୁ ସତ ବୋଲି କହିଛନ୍ତି ।
