ଚୀନ ପରେ ଜାପାନରେ ଏବେ ଚାଲିବ ‘ଅନ୍ଧାଧୁନ’
ମୁମ୍ବାଇ: ଜାପାନରେ ରିଲିଜ ହେବ ଆୟୁଷ୍ମାନ ଖୁରାନାଙ୍କ ଅଭିନୀତ ‘ଅନ୍ଧାଧୁନ’ । ନଭେମ୍ବର ୧୫ରେ ଜାପାନର ୨୩ଟି ହଲରେ ରିଲିଜ ହେବ ଅନ୍ଧାଧୁନ । ଭାରତୀୟ ବଜାରରେ ବେଶ ଭଲ ବକ୍ସ ଅଫିସ କଲେକ୍ସନ କରିବା ପରେ ଏବେ ବିଦେଶରେ ଫିଲ୍ମକୁ ରିଲିଜ କରିବା ପାଇଁ ସ୍ଥିର କରିଛି ପ୍ରଯୋଜନା ସଂସ୍ଥା ।ଫିଲ୍ମରେ ଆୟୁଷ୍ମାନଙ୍କୁ ଦର୍ଶକ ଏକ ଭିନ୍ନ ଚରିତ୍ରରେ ଦେଖିବାକୁ ପାଇଥିଲେ ।
Sambad is now on WhatsApp
Join and get latest news updates delivered to you via WhatsApp
ତାଙ୍କ ବିପକ୍ଷରେ ନାୟିକା ରାଧିକା ଆପତେଙ୍କ ଅଭିନୟ ରହିଥିଲା ।ଏଥିସହ ତବୁଙ୍କୁ ମଧ୍ୟ ପ୍ରମୁଖ ଭୂମିକାରେ ଅଭିନୟ କରିଥିବାର ଦେଖିବାକୁ ମିଳିଥିଲା । ନିଜର ଦକ୍ଷ ଅଭିନୟ ପାଇଁ ଆୟୁଷ୍ମାନଙ୍କୁ ଜାତୀୟ ଚଳଚିତ୍ର ସମ୍ମାନ ପ୍ରଦାନ କରାଯାଇଛି ।
ସର୍ବଶ୍ରେଷ୍ଠ ଅଭିନେତା ଭାବେ ଆୱାର୍ଡ ହାତେଇବା ସହ କେବଳ ସେତିକି ନୁହେଁ ସର୍ବଶ୍ରେଷ୍ଠ ଫିଲ୍ମ ଆୱାର୍ଡ ମଧ୍ୟ ଅନ୍ଧାଧୁନକୁ ମିଳିଥିଲା । ଆୟୁଷ୍ମାନଙ୍କ କ୍ୟାରିୟର ପ୍ରୋଫାଇଲରେ ନୂଆ ସଫଳତା ଯୋଡିଥିଲା ।ଏହି ବର୍ଷ ପହିଲାରେ ଏହି ଫିଲ୍ମ ଭାରତ ସହ ଚୀନ, ଋଷ, କୋରିଆରେ ରିଲିଜ ହୋଇଥିଲା | ଏହି ଥ୍ରୀଲର ଫିଲ୍ମର ନିର୍ଦ୍ଦେଶନା ଦେଇଥିଲେ ଶ୍ରୀରାମ ରାଘବନ |