ମୁମ୍ବାଇ: ଫିଲ୍ମ ରିଲିଜ୍ ପରେ ବକ୍ସ ଅଫିସରେ ଧମାଲ କରୁଛି ଫିଲ୍ମ ‘ଆନିମଲ’। ଅନେକ ବଡ଼ ବଡ଼ ବଜେଟର ଫିଲ୍ମକୁ ପଛରେ ପକାଇ ଦେଇଛି ରଣବୀର କପୁରଙ୍କ ଫିଲ୍ମ। ତେବେ ରଣବୀର ଓ ଅଭିନେତ୍ରୀ ରଶ୍ମିକା ମନ୍ଦନାଙ୍କ ବ୍ୟତୀତ ଅଭିନେତ୍ରୀ ତ୍ରିପ୍ତି ଡିମ୍ରି ଏବେ ଖୁବ ଭାଇରାଲ ହେବାରେ ଲାଗିଛନ୍ତି। ଫିଲ୍ମରେ କମ ସମୟ ପାଇଁ ନଜର ଆସି ମଧ୍ୟ ସେ ଦର୍ଶକଙ୍କ ମନ କିଣିଛନ୍ତି। ଫିଲ୍ମ‌ରେ ରଣବୀରଙ୍କ ସହ ଥିବା ତାଙ୍କର ଅନ୍ତରଙ୍ଗ ଦୃଶ୍ୟ ଏବେ ହଇଚଇ ସୃଷ୍ଟି କରିଛି।

Advertisment

ଫିଲ୍ମରେ ସେ ଜୋୟା ଚରିତ୍ରରେ ନଜର ଆସିଥିବା ବେଳେ ଏହି ଚଳଚ୍ଚିତ୍ରରେ ତୃପ୍ତି ଡିମ୍ରିଙ୍କୁ ମଧ୍ୟାନ୍ତର ପରେ ଦେଖିବାକୁ ମିଳିଥିଲା। କମ ସମୟ ପାଇଁ ନଜର ଆସି ମଧ୍ୟ ତାଙ୍କ ଭୂମିକା ଦର୍ଶକଙ୍କୁ ବହୁତ ପସନ୍ଦ ଆସିଛି। ଫିଲ୍ମ ପାଇଁ ସେ ରାତାରାତି ସଫଳ ହେବା ସହ ତାଙ୍କ ପାଖକୁ ଭିନ୍ନ ଭିନ୍ନ ଉପହାର ଆସିବାରେ ଲାଗିଛି। କେକ୍ ସହ ଗୋଲାପ ଫୁଲ ଲୋକେ ତାଙ୍କ ପାଖକୁ ପଠାଉଛନ୍ତି। ଏମିତି କି ରଶ୍ମିକାଙ୍କ ବଦଳରେ ଦର୍ଶକ ତାଙ୍କୁ 'ନ୍ୟାସନାଲ କ୍ରସ୍' କହିବା ଆରମ୍ଭ କରିଛନ୍ତି।

ତେବେ ତ୍ରିପ୍ତିଙ୍କ ଏଭଳି ଦୃଶ୍ୟ ଫିଲ୍ମରେ ଦେଖି ତାଙ୍କ ମାତାପିତା ତାଙ୍କୁ କହିଥିଲେ ଯେ, ତୁମର ଏଭଳି ଦୃଶ୍ୟ ଆମକୁ ଆଶ୍ଚର୍ଯ୍ୟ କରିଛି। ତୁମକୁ ତାହା କରିବା ଜରୁରୀ ନଥିଲା। ପିତାମାତା ଭାବରେ ଆମକୁ ନିଶ୍ଚିତ ଭାବରେ ଏହା ଭଲ ଲାଗିବ ନାହିଁ। ହେଲେ ଆମେ ତୁମ କାମକୁ ଓ ତୁମକୁ ସମର୍ଥନ କରିବୁ।”