'ଖତ୍ରୋଁକେ ଖିଲାଡି ୧୩'ରେ ନଜର ଆସିବେ କି କଚ୍ଚା ବାଦାମ ଗର୍ଲ ଅଞ୍ଜଳି ?

ମୁମ୍ବାଇ: ବଲିଉଡ୍ ଅଭିନେତ୍ରୀ କଙ୍ଗନା ରାନାୱତଙ୍କ ଓଟିଟି ସୋ’ ଲକ୍ ଅପ୍ ମାଧ୍ୟମରେ ନିଜର ପରିଚୟ ସୃଷ୍ଟି କରିଥିବା ଅଞ୍ଜଳି ଅରୋରାଙ୍କର କୌଣସି ପୃଥକ ପରିଚୟର ଆବଶ୍ୟକତା ନାହିଁ। ତାଙ୍କ ଡ୍ୟାନ୍ସ ରିଲ୍ ଭିଡିଓ ମାଧ୍ୟମରେ ଦର୍ଶକଙ୍କ ବେଶ୍ ମନୋରଞ୍ଜନ କରିଆସିଥିବା ଅଞ୍ଜଳୀ ଏବେ ଚର୍ଚ୍ଚାରେ। ଏହାର କାରଣ ହେଉଛି ଚଳଚ୍ଚିତ୍ର ନିର୍ମାତା ରୋହିତ ଶେଟ୍ଟୀଙ୍କ ରିଆଲିଟି ସୋ 'ଖତ୍ରୋଁ କେ ଖିଲାଡି ୧୩' । ସୂଚନା ଅନୁଯାୟୀ ଅଞ୍ଜଳି ଅରୋରାଙ୍କୁ 'ଖତ୍ରୋଁ କେ ଖିଲାଡି ୧୩’ରେ ଦେଖିବାକୁ ମିଳିପାରେ।

ଟିଭିର ଲୋକପ୍ରିୟ ରିୟଲିଟି ସୋ 'ଖତ୍ରୋଁ କେ ଖିଲାଡି ୧୩’ ର ପ୍ରତିଯୋଗୀମାନଙ୍କ ନାଁ ବାହାରକୁ ଆସୁଛି। ସୋ’ରେ ଭାଗ ନେବା ଲାଗି ପ୍ରତିଦିନ କିଛି କିଛି ସେଲିବ୍ରିଟିଙ୍କ ନାଁ ପଦାକୁ ଆସୁଛି। ଇନଷ୍ଟାଣ୍ଟ ବଲିଉଡ ଏହାର ଅଫିସିଆଲ ଇନଷ୍ଟାଗ୍ରାମ ହ୍ୟାଣ୍ଡେଲରେ ଏକ ଭିଡିଓ ସେୟାର କରିଛି। ଏହି ଭିଡିଓରେ ଅଞ୍ଜଳି 'ଖତ୍ରୋଁକେ ଖିଲାଡି ୧୩’ରେ ଭାଗ ନେବା ବିଷୟରେ ପଚରାଯାଇଥିଲା। ତେବେ ‘କଚ୍ଚା ବାଦାମ ଗର୍ଲ’ ଏହାର ପ୍ରତିକ୍ରିୟାରେ ହିଁ କି ନାଁ କୌଣସି ସ୍ପଷ୍ଟ ଉତ୍ତର ଦେଇନାହାନ୍ତି। ଯଦି ଏହି ଖବର ସତ ହୁଏ ତେବେ ଏହା ଦେଖିବାକୁ ବେଶ୍ ଆକର୍ଷଣୀୟ ହେବ।