ସୁଶାନ୍ତଙ୍କ ଆତ୍ମହତ୍ୟା ଖବର ଶୁଣିବା ପରେ ଏପରି ଥିଲା ପୂର୍ବତନ ପ୍ରେମିକା ଅଙ୍କିତାଙ୍କ ପ୍ରତିକ୍ରିିୟା, ‘ପବିତ୍ର ରିସ୍ତା’ରେ ହୋଇଥିଲେ ମାନବ-ଅର୍ଚ୍ଚନା
ମୁମ୍ବାଇ: ଟିଭି ତଥା ବଲିଉଡ୍ ଅଭିନେତା ସୁଶାନ୍ତ ସିଂହ ରାଜପୁତଙ୍କ ଅକାଳ ବିୟୋଗ ସାରା ବଲିଉଡ୍କୁ ସ୍ତବ୍ଧ କରିଛି। ଯଦିଓ ସୁଶାନ୍ତଙ୍କ ଜୀବନରେ ଅନେକ ଯୁବତୀ ପ୍ରେମିକା ଭାବେ ଆସିଛନ୍ତି ମାତ୍ର ଏବେ ବି ଦର୍ଶକ ସୁଶାନ୍ତଙ୍କ ସହ ‘ପବିତ୍ର ରିସ୍ତା’ରେ ଅର୍ଚ୍ଚନାଙ୍କ ଭୂମିକା ନିଭାଇଥିବା ଅଙ୍କିତା ଲୋଖଣ୍ଡେଙ୍କୁ ମନେ ପକାନ୍ତି। ଦୀର୍ଘ ୬ ବର୍ଷ କାଳ ପ୍ରେମ ସଂପର୍କରେ ରହିଥିବା ସୁଶାନ୍ତ ଓ ଅଙ୍କିତା ଦେଶର ଘରେ ଘରେ ପରିଚିିତ। ତେବେ ସୁଶାନ୍ତଙ୍କ ଆତ୍ମହତ୍ୟା ଖବର ଶୁଣିବା ପରେ କିପରି ହୋଇଥିବ ଅଙ୍କିତାଙ୍କ ଅବସ୍ଥା?
Sambad is now on WhatsApp
Join and get latest news updates delivered to you via WhatsApp
ଜାଣିରଖନ୍ତୁ ଯେ ସୁଶାନ୍ତଙ୍କ ଆତ୍ମହତ୍ୟା ପରେ ଏକ ଗଣମାଧ୍ୟମ ଚ୍ୟାନେଲ୍ ଅଙ୍କିତା ଲୋଖଣ୍ଡେଙ୍କୁ ଯୋଗାଯୋଗ କରିଥିଲା। ଅଙ୍କିତାଙ୍କୁ ଯେତେବେଳେ ସୁଶାନ୍ତଙ୍କ ଆତ୍ମହତ୍ୟା ଖବର ଦିଆଗଲା ଅଙ୍କିତା କହିଥିଲେ କ’ଣ(କ୍ୟା)? ତା’ପରେ ସେ ଫୋନ୍ କାଟି ଦେଇଥିଲେ। ଅଙ୍କିତାଙ୍କ ଏହି ଗୋଟାଏ ଶବ୍ଦ ହିଁ ତାଙ୍କର ସମସ୍ତ ଭାବପ୍ରବଣତା ବ୍ୟାଖ୍ୟା କରିବାକୁ ଯଥେଷ୍ଟ ଥିଲା।
ଉଲ୍ଲେଖଯୋଗ୍ୟ, ଧାରାବାହିକ ‘ପବିତ୍ର ରିସ୍ତା’ରେ ମାନବ ଓ ଅର୍ଚ୍ଚନାଙ୍କ ଭୂମିକାରେ ଅବତୀର୍ଣ୍ଣ ହୋଇ ଘରେ ଘରେ ପ୍ରିୟ ପାଲଟିଥିବା ସୁଶାନ୍ତ ଓ ଅଙ୍କିତା ପ୍ରାୟ ୬ ବର୍ଷ ଧରି ପ୍ରେମ ସଂପର୍କରେ ରହିବା ପରେ ଅଲଗା ହୋଇ ଯାଇଥିଲେ। ସୁଶାନ୍ତ ବଲିଉଡ୍ରେ ବ୍ରେକ୍ ପାଇବା ପରେ ସେ ଦୁହିଁଙ୍କ ପ୍ରେମ ସଂପର୍କରେ ଫାଟ ଦେଖା ଦେଇଥିଲ। ପରେ ସେ ଦୁହେଁ ଅଲଗା ହେବା ପରେ ନିଜ ନିଜର ଭିନ୍ନ ରାସ୍ତା ବାଛି ନେଇଥିଲେ। ନିକଟରେ ଅଙ୍କିତା ତାଙ୍କ ପ୍ରେମିକ ଭିକି ଜୈନ୍ଙ୍କ ସହ ନିର୍ବନ୍ଧ ବନ୍ଧନରେ ବାନ୍ଧି ହୋଇଛନ୍ତି।