ନୂଆଦିଲ୍ଲୀ: ଟିଭି ଶୋ ‘ପବିତ୍ର ରିସ୍ତା’କୁ ୧୪ ବର୍ଷ ପୁରିଛି | ଏହି ଶୋ ମାଧ୍ୟମରେ ଟେଲି ଇଣ୍ଡଷ୍ଟ୍ରିରେ ଅଙ୍କିତା ଲୋଖଣ୍ଡେ ଏବଂ ସୁଶାନ୍ତ ସିଂ ରାଜପୁତ ପାଦ ଥାପିଥିଲେ | ବିଶେଷ କରି ଅଙ୍କିତା ଓ ସୁଶାନ୍ତ ଏହି ଶୋ ପାଇଁ ଲୋକଙ୍କ ହୃଦୟରେ ରାଜ କରିଥିଲେ। ଶୋ’କୁ ୧୪ ବର୍ଷ ସମ୍ପୂର୍ଣ୍ଣ ହେବା ପରେ ଅଙ୍କିତା ଲୋଖଣ୍ଡେ ଏକ ପୋଷ୍ଟ ସେୟାର କରିଛନ୍ତି | ତେବେ ଅଙ୍କିତାଙ୍କ ପୋଷ୍ଟକୁ ନେଇ ସୋସିଆଲ ମିଡ଼ିଆ ୟୁଜର୍ସ ତାତିଛନ୍ତି | ୟୁଜର୍ସମାନେ ଏହି ପୋଷ୍ଟରେ କ୍ରମାଗତ ଭାବରେ କମେଣ୍ଟ ଦେବା ସହ ସୁଶାନ୍ତ ସିଂଙ୍କୁ କେମିତି ଭୁଲିଗଲ ବୋଲି ପ୍ରଶ୍ନ କରିଛନ୍ତି | ବାସ୍ତବରେ, ଅଙ୍କିତାଙ୍କ ଦ୍ୱାରା ସେୟାର ହୋଇଥିବା ପୋଷ୍ଟରେ ସୁଶାନ୍ତଙ୍କ ନାମ କୌଣସି ସ୍ଥାନରେ ଉଲ୍ଲେଖ କରାଯାଇ ନାହିଁ |
Sambad is now on WhatsApp
Join and get latest news updates delivered to you via WhatsApp
ଉଲ୍ଲେଖ ଥାଉ କି ସୁଶାନ୍ତ ସିଂ ରାଜପୁତ ଆଉ ଏହି ଦୁନିଆରେ ନାହାଁନ୍ତି। ଜୁନ୍ ୧୪, ୨୦୨୦ ରେ ସୁଶାନ୍ତଙ୍କ ମୃତଦେହ ତାଙ୍କ ମୁମ୍ବାଇ ଫ୍ଲାଟରୁ ମିଳିଥିଲା। ଅଙ୍କିତା ଶୋ’ର ୧୪ ବର୍ଷ ପୂରଣ ବିଷୟରେ ଲେଖିଥିଲେ- ‘ପବିତ୍ର ରିସ୍ତା” ଏପର୍ଯ୍ୟମ୍ତ ୧୪ ବର୍ଷ ପୂରଣ କରିଛି ଭଗବାନଙ୍କୁ ଧନ୍ୟବାଦ | ଏକତା କପୁର ମୋତେ ବିଶ୍ୱାସ କରିଥିବାରୁ ମୁଁ ଅର୍ଚ୍ଚନା ହୋଇପାରିଥିଲି | ମୋତେ ଅର୍ଚ୍ଚନା ଭାବରେ ଏକ ନୂତନ ପରିଚୟ ଦେଇଥିବାରୁ ଧନ୍ୟବାଦ | ଲୋକମାନେ ତଥାପି ମୋତେ ଅର୍ଚ୍ଚନା ନାମରେ ମନେ ରଖିଛନ୍ତି | ମୁଁ ବହୁତ କୃତଜ୍ଞ | ତେବେ ଅଙ୍କିତାଙ୍କ ପୋଷ୍ଟ ପରେ ପ୍ରଶଂସକମାନେ ତାଙ୍କ ଉପରେ ରାଗିଛନ୍ତି। ବାସ୍ତବରେ ଅଙ୍କିତା ଏହି ପୋଷ୍ଟରେ ସୁଶାନ୍ତଙ୍କ ବିଷୟରେ ଉଲ୍ଲେଖ କରିନାହାଁନ୍ତି। ତେଣୁ ପ୍ରଶଂସକମାନେ ଲେଖିଥିଲେ – ସୁଶାନ୍ତଙ୍କୁ ମଧ୍ୟ ଉଲ୍ଲେଖ କରିବା ସହ ତାଙ୍କ ଫଟୋ ସେୟାର କରିବାର ଥିଲା |। ଅଙ୍କିତା ଆପଣଙ୍କଠାରୁ ଏହା ଆଶା କରିନଥିଲୁ |