ଯୌନ ଶୋଷଣ ଅଭିଯୋଗ ଲାଗିବା ପରେ ରିୟାଲିଟି ସୋ’ରୁ ବାହାରିଥିଲେ, ଏବେ ବର୍ଷକ ପରେ ମିଳିଲା ପୁଣି ସୋ’ ଜଜ୍‌ କରିବାର ସୁଯୋଗ

ମୁମ୍ବାଇ : ୨୦୧୮ରେ ବଲିଉଡ୍‌ର ଲୋକପ୍ରିୟ କଣ୍ଠଶିଳ୍ପୀ ଅନୁ ମଲ୍ଲିକଙ୍କ ଉପରେ ଯୌନ ଶୋଷଣର ଅଭିଯୋଗ ଲାଗିଥିଲା । ଯାହା ପରେ ତାଙ୍କୁ ରିୟାଲିଟି ସୋ’ ଇଣ୍ଡିଆନ୍‌ ଆଇଡୋଲର ଜଜ୍‌ ପଦରୁ ବାହାର କରି ଦିଆଯାଇଥିଲା । ପରେ ପରେ ତାଙ୍କୁ କୌଣସି କାମ ନ ମିଳିବା ସହ ସେ ଘରେ ବସି ରହିଥିଲେ । କିନ୍ତୁ ଏବେ ବର୍ଷକ ପରେ ସେ ପୁଣି ପରଦାକୁ ଫେରିଛନ୍ତି ।

aajtak.intoday.in

ସିଙ୍ଗିଙ୍ଗ୍‌ ରିୟାଲିଟି ସୋ’ ସୁପର ଷ୍ଟାର ସିଙ୍ଗରରେ ସେ ଏବେ ଗେଷ୍ଟ ଜଜ୍‌ ଭାବେ ନଜର ଆସିବେ ବୋଲି ଜଣା ପଡ଼ିଛି । ସୋ’ରେ ପ୍ରଥମ କରି ପାଦ ରଖିବା ପରେ ତାଙ୍କୁ ଜୋରଦାର ସ୍ୱାଗତ କରିଥିଲେ କଣ୍ଠଶିଳ୍ପୀ ଅଲ୍‌କା ୟାଗ୍‌ନିକ୍‌, ହିମେଶ ରେସ୍‌ମିୟା ଓ ଜାଭେଦ ଅଲ୍ଲୀ । ତେବେ #ମି ଠୁ ୍ଅଭିଯାନର ପ୍ରଭାବ ଏବେ କମ ହୋଇ ଆସିଛି ବୋଲି ବର୍ଷକ ପରେ ଅନୁ ମଲ୍ଲିକଙ୍କ ପୁଣି କାମ କରିବା ଖବର ପ୍ରମାଣ କରିଛି ।