‘ଯୁଆଡେ ଗଲେ ବର୍ଷା ଛାଡୁନାହିଁ, ଟିକେ ଦୟା, କର’ ଏଭଳି କାହିଁକି କହିଲେ ଅନୁଭବ?
ଭୁବନେଶ୍ୱର: ‘ନାମ ନେଉଛୁ, ଏ ବର୍ଷା ବହୁତ ହଇରାଣ କଲାଣି, ଯୁଆଡେ ଗଲେ ବର୍ଷା ଛାଡୁନାହିଁ | ଟିକେ ଦୟା, କର | ପ୍ଲିଜ, ବାହାରକୁ ଆସିଛୁ, କାମ କରିବୁ କି ନାହିଁ ?’
Sambad is now on WhatsApp
Join and get latest news updates delivered to you via WhatsApp
ଲଣ୍ଡନର ସହରର ଏକ ସ୍ଥାନରେ ଅଭିନେତା ଅନୁଭବ ମହାନ୍ତି ଏଭଳି କହୁଥିବା ଦେଖିବାକୁ ମିଳିଛି | ତେବେ ଏସବୁ ଶୁଣି ଆପଣ ଦ୍ବନ୍ଦରେ ପଡିଛନ୍ତି କି? ତେବେ ଜମା ବି ଦ୍ବନ୍ଦରେ ପଡନ୍ତୁ ନାହିଁ | ବାସ୍ତବରେ ଏବେ ସୁଦୂର ଲଣ୍ଡନରେ ସୁଟିଂ ଚାଲିଛି ଓଲିଉଡ଼ ଅଭିମନ୍ୟୁ ଅନୁଭବଙ୍କ ନୂଆ ଫିଲ୍ମ ‘ଲଭ ଇନ୍ ଲଣ୍ଡନ’ର | ଆଉ ଏହି ସୁଟିଂ ସମୟରେ ବଡ ବାଧକ ସାଜିଛି ବର୍ଷା | ଅବିରତ ବର୍ଷା ସମୟରେ ବି ଏହି ଫିଲ୍ମର ସୁଟିଂ ଜାରି ରହିଛି |
ଆଉ ଏହାକୁ ନେଇ ଏକ ବ୍ଲଗ ସୁଟିଂ କରାଯାଇଥିଲା | ଆଉ ଏଥିରେ ଫିଲ୍ମର ନିର୍ଦ୍ଦେଶକ ତାପସ ସରଘରିଆ ଅନୁଭବଙ୍କୁ ପ୍ରଶ୍ନ କରିଛନ୍ତି ଯେ କେମିତି ଲାଗୁଛି? ଏହାର ଉତ୍ତରରେ ଅନୁଭବ କହିଛନ୍ତି- ‘ନାମ ନେଉଛୁ, ଏ ବର୍ଷା ବହୁତ ହଇରାଣ କଲାଣି, ଯୁଆଡେ ଗଲେ ବର୍ଷା ଛାଡୁନାହିଁ | ଟିକେ ଦୟା, କର | ପ୍ଲିଜ, ବାହାରକୁ ଆସିଛୁ, କାମ କରିବୁ କି ନାହିଁ |’ ଆଉ ଅନୁଭବ ଏପରି କହୁଥିବା ବେଳେ ନିର୍ଦ୍ଦେଶକ ସରଘରିଆ ହସିହସି ବେଦମ୍ ହେଉଥିବା ଦେଖିବାକୁ ମିଳୁଛି।
ଉଲ୍ଲେଖ ଥାଉ କି ଓଡ଼ିଆ ଫିଲ୍ମ ‘ଲଭ ଇନ୍ ଲଣ୍ଡନ’ର ସୁଟିଂ ବର୍ତ୍ତମାନ ଲଣ୍ଡନରେ ଜାରି ରହିଛି | ଏହି ଫିଲ୍ମର ନିର୍ଦ୍ଦେଶନା ତାପସ ସରଘରିଆ ଦେଉଥିବାବେଳେ ଏଥିରେ ଅନୁଭବ ମହାନ୍ତିଙ୍କ ବିପକ୍ଷରେ ନାୟିକା ହୋଇଛନ୍ତି ସ୍ୱପ୍ନା ପ୍ରିୟଦର୍ଶିନୀ |