ବିଗ୍ ବସ୍ ପରେ ପୁଣି ସାଥୀରେ ନଜର ଆସିବେ ଭଜନ ସମ୍ରାଟ ଅନୁପ ଜଲୋଟା-ଜସ୍ଲୀନ୍ ମଥାରୁ
ମୁମ୍ବାଇ : ବିଗ୍ ବସ୍ ସିଜିନ୍-୧୨ରେ ସାଥୀରେ ଘରକୁ ପ୍ରବେଶ କରି ଚର୍ଚ୍ଚାରେ ରହିଥିଲେ ଭଜନ ସମ୍ରାଟ ଅନୁପ ଜଲୋଟା ଓ ଜସ୍ଲୀନ୍ ମଥାରୁ । ସୋ’କୁ ପ୍ରବେଶ କରିବା ପରେ ପରେ ଦୁହେଁ ପରସ୍ପରକୁ ପ୍ରେମ କରୁଥିବା ନେଇ ଚର୍ଚ୍ଚା ହେବା ପରେ ଜସ୍ଲୀନ୍ ମୋର କେବଳ ଜଣେ ଛାତ୍ରୀ ବୋଲି କହିଥିଲେ ଅନୁପ ଜଲୋଟା । ଦୁହିଁଙ୍କ ସଂପର୍କକୁ ନେଇ ଅନେକ ବିବାଦ ଦେଖାଯାଇଥିଲା । ବିଗ୍ ବସ୍ର ସବୁଠାରୁ ଚର୍ଚ୍ଚିତ ଓ ବିବାଦୀୟ ଯୋଡ଼ି ରହି ସାରିଥିବା ଅନୁପ ଜଲୋଟା ଓ ଜସ୍ଲୀନ୍ ମଥାରୁ ଏବେ ପୁଣି ଥରେ ସାଥୀରେ ନଜର ଆସିବାକୁ ଯାଉଛନ୍ତି । ଦୁହେଁ ଏକ ଫିଲ୍ମ ‘ଓ୍ଵ ମୋରି ଷ୍ଟୁଡେଣ୍ଟ ହେ’ରେ ନଜର ଆସିବାକୁ ଯାଉଥିବା ଜଣାପଡ଼ିଛି । ଫିଲ୍ମରେ ଅନୁପ ଜଲୋଟା କଣ୍ଠଶିଳ୍ପୀ ହେବା ସହ ତାଙ୍କ ଛାତ୍ରୀ ବନିବେ ଜସ୍ଲୀନ ।
Sambad is now on WhatsApp
Join and get latest news updates delivered to you via WhatsApp
ଟାଇମ୍ସ ଅଫ୍ ଇଣ୍ଡିଆକୁ ସାକ୍ଷାତକାର ଦେଇ ଅନୁପ ଜଲୋଟା କହିଛନ୍ତି, ଗତ ବର୍ଷ ଦୀପାବଳି ପୂର୍ବରୁ ବିଗ୍ ବସ୍ରେ ଭାଗ ନେଇ ଏକ ଧମାକା କରିଥିଲି । ଏବେ ଏହି ଫିଲ୍ମ ଦୀପାବଳି ପୂର୍ବର ଧମାକା । ଜସ୍ଲୀନ ଓ ମୋତେ ନେଇ ଲୋକଙ୍କ ମନରେ ଅନେକ ଭୁଲ ଧାରଣା ରହିଛି, ଯାହା ଏହି ଫିଲ୍ମ ଜରିଆରେ ଦୂର ହୋଇଯିବ । ଫିଲ୍ମରେ ଜସ୍ଲୀନ୍ ମୋ ପାଖକୁ ସଙ୍ଗୀତ ଶିଖିବାକୁ ଆସିବା ପରେ ମୁଁ ତାଙ୍କୁ ଭଲ ପୋଷାକ ପିନ୍ଧିବା ବିଷୟରେ ପ୍ରଥମେ ଶିଖାଇବି । ବାସ୍ତବ ଜୀବନରେ ମଧ୍ୟ ମୁଁ ତାହା କରେ । କେଉଁଠି କେଉଁ ପୋଷାକ ପିନ୍ଧିବା ଦରକାର, ତାହା ମୁଁ ଜଣାଇଥାଏ ।