ନୂଆଦିଲ୍ଲୀ: ବଲିଉଡର ବରିଷ୍ଠ କଳାକାର ଅନୁପମ ଖେରଙ୍କୁ ଫିଲ୍ମ ଆଣ୍ଡ ଟେଲିଭିଜନ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡିଆ(ଏଫଟିଆଇଆଇ)ର ନୂଆ ଚେୟାରମ୍ୟାନ ଭାବେ ନିଯୁକ୍ତ କରାଯାଇଛି । ସେ ଗଜେନ୍ଦ୍ର ଚୌହ୍ଵାନଙ୍କ ସ୍ଥାନରେ ସେ ନିଯୁକ୍ତ ହେବେ । ଅନୁପମ ଖେରଙ୍କୁ ଚେୟାରମ୍ୟାନ ନିଯୁକ୍ତ କରାଯିବା ପରେ ଆନନ୍ଦ ପ୍ରକଟ କରିଛନ୍ତି ଗଜେନ୍ଦ୍ର ଚୈାହାନ।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ୫୦୦ରୁ ଅଧିକ ଫିଲ୍ମରେ କାମ କରିସାରିଥିବା ଅନୁପମ ଖେର୍ ଅନେକ ବିଦେଶୀ ଫିଲ୍ମରେ ମଧ୍ୟ ନିଜର ଦମଦାର ଅଭିନୟ ଦେଖାଇ ଅନେକ ପ୍ରଶଂସା ସାଉଁଟିଛନ୍ତି । ନ୍ୟାସନାଲ୍ ସ୍କୁଲ୍ ଅଫ୍ ଡ୍ରାମାରେ ଅଭିନୟ ପ୍ରଶିକ୍ଷଣ ନେଇଥିବା ଅନୁପମଙ୍କର ଥିଏଟରରେ ବି ଅଭିଜ୍ଞତା ରହିଛି । ଅନୁପମ ଖେରଙ୍କର ପତ୍ନୀ ଓ ବିଜେପି ସାଂସଦ କିରଣ ଖେର୍ ମଧ୍ୟ ଏହି ନିଷ୍ପତ୍ତିରେ ଖୁସି ଅଛନ୍ତି ।
ଅନୁପମ ଖେରଙ୍କର ପତ୍ନୀ କିରଣ ଖେର୍ ଗଣମାଧ୍ୟମକୁ ସାକ୍ଷତକାର ଦେଇ କହିଛନ୍ତି, ‘ ଅନୁପମ ଖେରଭଲଭାବେ ଏହି ଭୂମିକାକୁ ତୁଲାଇପାରିବେ। ମୁଁ ସରକାର ଓ ମୋଦି ଜୀଙ୍କୁ ଧନ୍ୟବାଦ ଦେଉଛି ।’କୈାଣସି ସଂସ୍ଥାର ଅଧ୍ୟକ୍ଷ ପଦ କଣ୍ଟକିତ ସିଂହାସନ ସହ ସମାନ ବୋଲି କହିଛନ୍ତି କିରଣ ଖେର ।
‘ମୋତେ ଅନୁପମ ଖେରଙ୍କୁ ନେଇ ବହୁତ ଗର୍ବ ଅନୁଭବ ହେଉଛି । ସେ ଭଲଭାବେ ଏହି ଭୂମିକାକୁ ତୁଲାଇପାରିବେ। ମୁଁ ସରକାର ଓ ମୋଦି ଜୀଙ୍କୁ ଧନ୍ୟବାଦ ଦେଉଛି । କୌଣସି ସଂସ୍ଥାର ଅଧ୍ୟକ୍ଷ ପଦ କଣ୍ଟକିତ ସିଂହାସନ ସହ ସମାନ ।
-ଅନୁପମ ଖେରଙ୍କର ପତ୍ନୀ କିରଣ ଖେର୍
ଉଲ୍ଲେଖନୀୟ ଯେ, ନିକଟରେ ସରକାର ସେନସର ବୋର୍ଡର ଚେୟାରମ୍ୟାନ ପହଲାଜ ନିହଲାନୀଙ୍କୁ ହଟାଇ ପ୍ରସୂନ ଯୋଶୀଙ୍କୁ ଦାୟିତ୍ୱ ଦେଇଥିଲେ । ନିହଲାନୀ ମଧ୍ୟ ଦୀର୍ଘ ସମୟ ଧରି ବିବାଦରେ ରହିଥିଲେ । ସୁଭାଷ ଘାଇ, ମଧୁର ଭଣ୍ଡାରକର, ଅଶୋକ ପଣ୍ଡିତ ସହିତ ଅନେକ ନିର୍ଦ୍ଦେଶକ ଅନୁପମଙ୍କୁ ଏଫଟିଆଇଆଇର ଅଧ୍ୟକ୍ଷ ପଦ ଦେବା ନେଇ ନିଜର ଖୁସି ଦର୍ଶାଇଛନ୍ତିି ।
ସୁଭାଷ ଘାଇ କହିଛନ୍ତି , ‘ସେ ଏହି ପଦ ପାଇଁ ଉପଯୁକ୍ତ ବ୍ୟକ୍ତି ଅଟନ୍ତି ଏବଂ ମୁଁ ଏହାର ସ୍ୱାଗତ କରୁଛି । ଯିଏ ଆପଣଙ୍କୁ ଗାଇଡ୍ କରିବେ ସେ ଭଲ ହେବା ଉଚିତ। ଅନୁପମ ଜଣେ ଭଲ ଶିକ୍ଷକ ଭାବେ ନାମ କରିବେ।
ମଧୁର ଭଣ୍ଡାରକର କହିଛନ୍ତି , ‘ସେ ଛାତ୍ରଙ୍କୁ ବହୁତ କିଛି ଶିଖାଇବେ ଏବଂ ସଂସ୍ଥାକୁ ବହୁ ଶୀର୍ଷକୁ ନେଇଯିବେ ।’
ଗଜେନ୍ଦ୍ର ଚୈାହାନଙ୍କୁ ଜୁନ୍ ୨୦୧୫ରେ ଏଫଟିଆଇଆଇର ଚେୟାରମ୍ୟାନ ନିଯୁକ୍ତ କରାଯାଇଥିଲା, କିନ୍ତୁ ଜଏନିଂ ଲେଟର ମିଳିବା ପୂର୍ବରୁ ଛାତ୍ରଛାତ୍ରୀମାନେ ତାଙ୍କର ନିଯୁକ୍ତିକୁ ବିରୋଧ କରିଥିଲେ । ସେମାନଙ୍କର ଦେଶବ୍ୟାପୀ ଆନ୍ଦୋଳନ ଏକ ରାଜନୈତିକ ରୂପ ନେଇଥିଲା । ଏଫଟିଆଇଆଇ କ୍ୟାମ୍ପସରେ କଂଗ୍ରେସ ଉପାଧ୍ୟକ୍ଷ ରାହୁଲ୍ ଗାନ୍ଧି ବିରୋଧ କରୁଥିବା ଛାତ୍ରଙ୍କ ସହ ମିଶି ପ୍ରତିନିଧି ମଣ୍ଡଳ ସହ ରାଷ୍ଟ୍ରପତି ପ୍ରଣବ ମୁଖାର୍ଜୀଙ୍କ ସହ ସାକ୍ଷାତ କରି ଏଥିରେ ହସ୍ତକ୍ଷେପ କରିବାକୁ ଦାବି କରିଥିଲେ । ଛଅ ମାସର ବାଦବିବାଦ ପରେ ଅଭିନେତା ଗଜେନ୍ଦ୍ର ଚୈାହାନ ଏହାର ଅଧ୍ୟକ୍ଷ ହୋଇଥିଲେ ।