ଏପିସୋଡ୍‌ ପିଛା ୩ ଲକ୍ଷ ଟଙ୍କା ନିଅନ୍ତି ଅନୁପମା; ଜାଣନ୍ତୁ ବନରାଜ୍‌, କାବ୍ୟା, ପାକ୍ଷୀ, କିଞ୍ଜଲ୍‌ ଓ ତୋଷୁଙ୍କ ଫିସ୍‌

ମୁମ୍ବାଇ: ଟିଆର୍‌ପି ଦୌଡ଼ରେ ଆଗରେ ରହୁଥିବା ଷ୍ଟାର୍‌ପ୍ଲସ୍‌ର ଲୋକପ୍ରିୟ ଧାରାବିହିକ ‘ଅନୁପମା’ ଆହୁରି ଅନେକ କ୍ଷେତ୍ରରେ ଆଗୁଆ। ଏହି ଧାରାବାହିକର କଳାକାରମାନେ ଅନ୍ୟ ସବୁ ଧାରାବାହିକର କଳାକାରମାନଙ୍କଠାରୁ ଯଥେଷ୍ଟ ଆଗରେ ରହିଛନ୍ତି। ଆମେ କହୁଛି ସେମାନଙ୍କ ଫିସ୍‌କୁ ନେଇ।

ଆପଣ ଜାଣନ୍ତି କି ‘ଅନୁପମା’ର ଷ୍ଟାର୍‌ମାନେ ଏପିସୋଡ୍‌ ପିଛା କେତେ ପାରିଶ୍ରମିକ ନିଅନ୍ତି? ଅନୁପମାରୁ ନେଇ ବନରାଜ, କାବ୍ୟା, ପାକ୍ଷୀ, ଓ କିଞ୍ଜଲ ଆଦି ନେଉଥିବା ପାରିଶ୍ରମିକ ବାବଦ‌ରେ ଆମେ ଆଜି ଆପଣଙ୍କୁ ଜଣାଇବୁ।

ଟିଭି ସିରିୟଲ୍‌ ‘ଅନୁପମା’ ଟିଆର୍‌ପି ଦୌଡ଼ରେ ସବୁବେଳେ ଆଗରେ ରହିଥାଏ। କେବେ କେବେ ଏହି ସୋ’ଟି ସୋସିଆଲ୍‌ ମିଡିଆରେ ଟ୍ରୋଲ୍‌ ବି ହୋଇଯାଏ। ରୁପାଲୀ ଗାଙ୍ଗୁଲୀଙ୍କ ଅନୁପମା ଚରିତ୍ରରୁ ନେଇ ମଦାଲସା ଶର୍ମାଙ୍କ କାବ୍ୟା ଚରିତ୍ର ଦଶର୍କଙ୍କ ମନକୁ ବେଶ୍‌ ଛୁଇଁଛି।

ଆପଣ ଜାଣିଲେ ଆଶ୍ଚର୍ଯ୍ୟ ହେବେ ଯେ ଅନୁପମା ଚରିତ୍ର ନିଭାଉଥିବା ରୁପାଲୀ ଗାଙ୍ଗୁଲୀଙ୍କୁ ଏପିସୋଡ୍‌ ପିଛା ୩ ଲକ୍ଷ ଟଙ୍କା ମିଳୁଛି। ବନରାଜ୍‌ ଭୂମିକାରେ ଅବତୀର୍ଣ୍ଣ ହୋଇଥିବା ଅଭିନେତା ସୁଧାଂଶୁ ପାଣ୍ଡେ ଏପିସୋଡ ପିଛା ପ୍ରାୟ ୧ ଲକ୍ଷ ଟଙ୍କା ନେଇଥାନ୍ତି।

ସେହିପରି କାବ୍ୟା ଚରିତ୍ରରେ ନଜର ଆସୁଥିବା ମଦାଲସା ଶର୍ମା ପ୍ରାୟ ୩୦ ହଜାର ଟଙ୍କା ଏପିସୋଡ୍‌ ପିଛା ନେଉଥିବା ବେଳେ ୨୭ ହଜାର ଟଙ୍କା ପର୍ଯ୍ୟନ୍ତ ପାରିଶ୍ରମିକ ନିଅନ୍ତି ପାକ୍ଷୀ ଭୂମିକା ନିଭାଇଥିବା ମୁସ୍‌କାନ୍‌ ମାମନେ। ବାପୁଜୀ ଭୂମିକା ନିଭାଉଥିବା ଅରବିନ୍ଦ ବୈଧ ୨୫ ହଜାର ଟଙ୍କା ନେଉଛନ୍ତି ଏପିସୋଡ୍‌ ପିଛା। ପାରିତୋଷ ଭୂମିକା ନିଭାଉଥିବା ଆଶିଷ ମଲହୋତ୍ରା ଓ କିଞ୍ଜଲ୍‌ ଭୂମିକାରେ ଅବତୀର୍ଣ୍ଣ ହୋଇଥିବା ନିଧି ଶାହା କ୍ରମାନୁସାରେ ୩୩ ଓ ୩୨ ହଜାର ଟଙ୍କା ନେଉଛନ୍ତି।