ଦର୍ଶକଙ୍କୁ ବୋଧେ ପସନ୍ଦ ଆସିଲାନି ସମର୍‌ ଚରିତ୍ରର ମୃତ୍ୟୁ ଟ୍ବିଷ୍ଟ୍‌; ‘ଅନୁପମା’ର ସ୍ଥାନ ନେଲା ‘ଗୁମ୍‌ ହେ କିସି କେ ପ୍ୟାର୍‌ ମେ’

ମୁମ୍ବାଇ: ପ୍ରତି ସପ୍ତାହରେ ଦର୍ଶକମାନେ ଟେଲିଭିଜନ ରେଟିଂ ପଏଣ୍ଟ ବ‌ା ଟିଆର୍‌ପିକୁ ଅପେକ୍ଷା କରି ରହିଥାନ୍ତି ଏବଂ ଏଥର ମଧ୍ୟ ସେମାନଙ୍କ ପାଇଁ ଟିଆର୍‌ପି ତାଲିକା ଆସିଯାଇଛି। ତେବେ ଏଥର ତାଲିକା ଦେଖି ନିରାଶ ହୋଇଛନ୍ତି ‘ଅନୁପମା’ ଧାରାବାହିକର ଦର୍ଶକ। କାରଣ ପ୍ରତିଥର ଟିଆର୍‌ପି ଦୌଡ଼ରେ ଆଗରେ ରହୁଥିବା ଏହି ଧାରାବାହିକଟି ଏଥର ଏକ ନମ୍ବର ହୋଇ ପାରିନାହିଁ। ଏହି ସପ୍ତାହରେ ସବୁଠାରୁ ଆଗରେ ରହିଛି ‘ଗୁମ୍‌ ହେ କିସି କେ ପ୍ୟାର୍‌ ମେ’ ସିରିୟଲ୍‌।

ଚ୍ୟାନେଲ୍‌ଗୁଡ଼ିକ ଦର୍ଶକମାନଙ୍କୁ ସେମାନଙ୍କର ପ୍ରିୟ ସୋ’ଗୁଡ଼ିକର ପ୍ରତି ସପ୍ତାହର ସୂଚନା ଦେଇଥାନ୍ତି। ଏହି ରିପୋର୍ଟ ପ୍ରତି ୪୧ତମ ସପ୍ତାହରେ ଥରେ ବହାରେ ଏବଂ ଏଥର ଶ୍ରେଷ୍ଠ ୫ଟି ସୋ’ର ରେଟିଂରେ ଏକ ବଡ଼ ପରିବର୍ତ୍ତନ ହୋଇଛି।

View this post on Instagram

A post shared by StarPlus (@starplus)

ଦୀର୍ଘ ଦିନ ଧରି ଟିଆର୍‌ପି କ୍ଷେତ୍ରରେ ରାଜ୍‌ କରି ଆସୁଥିବା ‘ଅନୁପମା’କୁ ପରାସ୍ତ କରି ‘ଗୁମ୍‌ ହେ କିସି କେ ପ୍ୟାର୍‌ ମେ’ ଏକ ନମ୍ବରରେ ରହିଛି। ଏହି ସୋ’ ଦୀର୍ଘ ସମୟ ଧରି ଦୁଇ ନମ୍ବରରେ ଥିଲା। ହେଲେ ଲାଗୁଛି ଯେ ଇଶାନ (ଶକ୍ତି ଆରୋରା) ଏବଂ ସାଭି (ଭବିକା ଶର୍ମା) ଙ୍କ ନିକଟତର ହେବା ଦର୍ଶକଙ୍କୁ ପସନ୍ଦ ଆସିଛି। ଆପଣଙ୍କ ସୂଚନା ସକାଶେ ଜଣାଇ ଦେଉଛୁ ଯେ ଧାରାବାହିକଟିକୁ ୨.୫ରେଟିଂ ମିଳିଛି।

ଲାଗୁଛି ଯେ ‘ଅନୁପମା’ ଦର୍ଶକଙ୍କୁ ସମର୍‌ର ମୃତ୍ୟୁ ଟ୍ବିଷ୍ଟ୍‌ ଆଦୌ ପସନ୍ଦ ଆସିନାହିଁ। ସେଥିପାଇଁ ତ ଏତେ ସପ୍ତାହ ଧରି ଆଗରେ ରହିଥିବା ଧାରାବାହିକ ଅଚାନକ ନିଜର ସ୍ତର ହ୍ରାସ କରିଛି। ଏଥର ଅନୁପମାଙ୍କୁ ରେଟିଂ ମିଳିଛି ୨.୨।