ମୁମ୍ବାଇ: ବଲିଉଡ ଇଣ୍ଡଷ୍ଟ୍ରିରେ ୮୦ ଏବଂ ୯୦ ଦଶକରେ ଲୋକପ୍ରିୟ ଥିବା ବରିଷ୍ଠ ଗାୟକମାନଙ୍କ ମଧ୍ୟରୁ ଜଣେ ହେଲେ ଅନୁରାଧା ପୌଡୱାଲ। ସେ ୧୯୭୩ରେ ଅମିତାଭ ବଚ୍ଚନଙ୍କ ଫିଲ୍ମ ‘ଅଭିମାନ’ ସହିତ ଗୀତ ଗାଇବାର ଯାତ୍ରା ଆରମ୍ଭ କରିଥିଲେ। ଏହା ପରେ, ତାଙ୍କର ଖ୍ୟାତି କ୍ରମାଗତ ଭାବରେ ବୃଦ୍ଧି ପାଇବାରେ ଲାଗିଲା ଏବଂ ଗୋଟିଏ ସମୟ ଆସିଲା ଯେତେବେଳେ ତାଙ୍କୁ ଲତା ମଙ୍ଗେସକରଙ୍କ ସହିତ ତୁଳନା କରାଯାଇଥିଲା। ତାଙ୍କ ଗୀତ ପାଇଁ କୋଟି କୋଟି ହୃଦୟରେ ରାଜ୍ କରୁଥିବା ଅନୁରାଧା ଏବେ ରିମିକ୍ସ ଗୀତକୁ ନେଇ ନିଜର ବିରକ୍ତି ପ୍ରକାଶ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଅନୁରାଧା ପୌଡୱାଲ କହିଛନ୍ତି ଯେ ସେ ପୁରୁଣା ଗୀତଗୁଡ଼ିକର ରିମିକ୍ସ ଆଦୌ ପସନ୍ଦ କରନ୍ତି ନାହିଁ। ଯେତେବେଳେ ସେ ‘ଆଜ ଫିର ତୁମପେ ପ୍ୟାର ଆୟା ହେ…’ ଗୀତର ରିମିକ୍ସ ଶୁଣିଲେ, ସେତେବେଳେ ତାଙ୍କ ଆଖିରେ ଲୁହ ଭରିଗଲା ବୋଲି ସେ କହିଛନ୍ତି। ମୂଳତଃ ଏହି ଗୀତଟି ‘ଦୟାବାନ’ ଚଳଚ୍ଚିତ୍ରର ଅଟେ। ଲକ୍ଷ୍ମୀକାନ୍ତ ପ୍ୟରେଲାଲଙ୍କ ଦ୍ୱାରା ସ୍ବରାବଦ୍ଧ ଏହି ଗୀତଟି ଅନୁରାଧା ପୌଡୱାଲ ଏବଂ ପଙ୍କଜ ଉଦାସ ଗାଇଥିଲେ। କିଛି ବର୍ଷ ପରେ ଫିଲ୍ମ ‘ହେଟଷ୍ଟୋରୀ-୨’ ପାଇଁ ଏହାର ରିମିକ୍ସ ଗାଇଥିଲେ ଅରିଜିତ ସିଂ ଏବଂ ସମୀରା କୋପିକର। ଏହି ରିମିକ୍ସ ଶୁଣି ଅନୁରାଧା କାନ୍ଦି ପକାଇଥିଲେ ବୋଲି କହିଛନ୍ତି।
ତାଙ୍କ କହିବା ମୁତାବକ, ଜଣେ ମୋତେ ‘ଆଜ ଫିର ତୁମପେ ପ୍ୟାର ଆୟା ହେ…’ ରିମିକ୍ସ ଶୁଣିବାକୁ କହିଥିଲେ। ଗୀତଟି ସୁପରହିଟ୍ ହୋଇଛି ବୋଲି କହି ସେ ମୋତେ ଗୀତ ପଠାଇଥିଲେ। ମୁଁ ଏହାକୁ ଶୁଣିବା ପରେ କାନ୍ଦି ପକାଇଥିଲି। ଅରିଜିତ ଗାଇଥିବା ସେ ଗୀତ ଶୁଣିବା ପରେ ମୁଁ ତୁରନ୍ତ ୟୁଟ୍ୟୁବ ଖୋଲି ଏକାଧିକ ଥର ଗୀତର ପୁରୁଣା ଭର୍ସନ ଶୁଣିଥିଲି। ପୁରୁଣା ଭର୍ସନ ଶୁଣିବା ପରେ ଯାଇ ମୋତେ ଶାନ୍ତି ମିଳିଥିଲା।