/sambad/media/agency_attachments/2024-07-24t043029592z-sambad-original.webp)
/sambad/media/media_files/v69EERHEfbczVwoWupTz.jpg)
ମୁମ୍ବାଇ: ବଲିଉଡ ଅଭିନେତ୍ରୀ ଅନୁଷ୍କା ଶର୍ମା କିଛି ସମୟ ପୂର୍ବରୁ ପୁଅ ଅକାୟଙ୍କୁ ଜନ୍ମ ଦେଇଥିଲେ। ସେବେଠାରୁ ଅଭିନେତ୍ରୀ ତାଙ୍କ ସ୍ୱାମୀ ତଥା କ୍ରିକେଟର ବିରାଟ କୋହଲି ଏବଂ ଝିଅ ଭାମିକାଙ୍କ ସହ ଲଣ୍ଡନରେ ରହୁଛନ୍ତି। କିଛି ମାସ ହେବ ପୂରା ପରିବାର ଲଣ୍ଡନରେ ରହୁଥିବାରୁ ବିରୁଷ୍କା ଲଣ୍ଡନକୁ ସ୍ଥାନାନ୍ତର ହୋଇଯାଇଥିବା ନେଇ ଚର୍ଚ୍ଚା ହେଉଥିଲା। ଏଭଳି ସ୍ଥିତିରେ ଅନୁଷ୍କା ଭାରତ ଫେରିବେ କି ନାହିଁ ବୋଲି ଚର୍ଚ୍ଚା ହେଉଥିବା ବେଳେ ଏବେ ଅନୁଷ୍କା ମୁମ୍ବାଇ ଫେରିଥିବା ଦେଖାଯାଇଛି। ଅଭିନେତ୍ରୀ ତାଙ୍କ ସ୍ୱାମୀ ଏବଂ ପିଲାମାନଙ୍କ ବିନା ଭାରତ ଫେରିଥିବା ଦେଖାଯାଇଛି।
ଏବେ ଏକ ଭିଡିଓ ଭାଇରାଲ ହେଉଛି, ଯେଉଁଥିରେ ସେ ମୁମ୍ବାଇ ବିମାନବନ୍ଦର ବାହାରକୁ ଆସୁଥିବା ନଜର ଆସୁଛନ୍ତି। ଭିଡିଓରେ ଅନୁଷ୍କା କଳା ରଙ୍ଗର ପୋଷାକ ସହ କଳା ରଙ୍ଗା ଚଷମା ପିନ୍ଧିଥିବା ଦେଖିବାକୁ ମିଳିଛି । ବାହାରକୁ ଆସିବା ପରେ ଅନୁଷ୍କା ଗଣମାଧ୍ୟମ ପ୍ରତିନିଧିଙ୍କୁ ଦେଖି ହସିବା ସହ ହାତ ହଲାଇ ଅଭିବାଦନ ଜଣାଇଥିଲେ। ଏହା ପରେ ସେ ନିଜ କାରରେ ବସି ଚାଲିଯାଇଥିଲେ ।
ତେବେ ଅନୁଷ୍କା କାମ ପାଇଁ ଭାରତ ଆସିଥିବା କୁହାଯାଉଛି । ହେଲେ ଇଭେଣ୍ଟ ପାଇଁ ନା କୌଣସି ଫିଲ୍ମର ସୁଟିଂ ପାଇଁ ସେ ଭାରତ ଆସିଛନ୍ତି, ତାହା ସ୍ପଷ୍ଟ ହୋଇନାହିଁ ।
