ଦୁଇସନ୍ତାନଙ୍କୁ ଏକାଠି ଧରି ଚାଲୁଥିବା ବିରାଟଙ୍କ ଫଟୋ ସେୟାର କଲେ ଅନୁଷ୍କା

ମୁମ୍ବାଇ: ବଲିଉଡ ଅଭିନେତ୍ରୀ ଅନୁଷ୍କା ଶର୍ମା ନଭେମ୍ବର ୫ ତାରିଖରେ ଫ୍ୟାନ୍ସମାନଙ୍କ ପାଇଁ ଇନଷ୍ଟାଗ୍ରାମରେ  ଏକ ସୁନ୍ଦର ଫଟୋ ପୋଷ୍ଟ କରିଛନ୍ତି। ଯାହାକୁ ପୂର୍ବରୁ କେବେ ଦେଖିବାକୁ ମିଳି ନଥିଲା। 

ଅନୁଷ୍କା ସେୟାର କରିଥିବା ଫଟୋରେ କ୍ରିକେଟର ଷ୍ଟାର ବିରାଟ କୋହଲି କୌଣସି ଏକ ସ୍ଥାନକୁ ବୁଲିବାକୁ ଯାଇଥିବା ଦେଖିବାକୁ ମିଳୁଛି। ଏହି ସମୟରେ ସେ ତାଙ୍କର ଦୁଇଜଣ ସନ୍ତାନ ଅକାୟ ଓ ବାମିକାଙ୍କୁ ଏକାଠି ଧରିଥିବାର ନଜର ଆସୁଛନ୍ତି।  ଏହି ଫଟୋକୁ ଦେଖି ଉଭୟ ବିରାଟ ଓ ଅନୁଷ୍କାଙ୍କ ଫ୍ୟାନ୍ସମାନେ ଖୁସି ହେବା ସହିତ ନିଜନିଜ ଆକାଉଣ୍ଟରେ ସେୟାର ବି କରିଛନ୍ତି। ପ୍ରତିକ୍ରିୟା ଦେଇ କହିଛନ୍ତି, ‘ବିରାଟ ଜଣେ ପରଫେକ ବାପା। ବିରାଟ ଓ ଅନୁଷ୍କାଙ୍କ ଖୁସିକୁ କାହାର ନଜର ନଲାଗୁ।’ 

ନଭେମ୍ବର ୫ ତାରିଖରେ ବିରାଟ କୋହଲିଙ୍କ ଜନ୍ମଦିନ। ଏହି ସୁନ୍ଦର ଦିନରେ ବିରାଟଙ୍କ ସହିତ ଦୁଇପିଲାଙ୍କ ଫଟୋ ସେୟାର କରିବା ଠାରୁ ଭଲ କଥା କ’ଣ ହୋଇପାରେ ବୋଲି ଅନୁଷ୍କା ତାଙ୍କ ପୋଷ୍ଟରେ ଉଲ୍ଲେଖ କରିଛନ୍ତି। 

ବିରାଟ ଓ ଅନୁଷ୍କା ଲଣ୍ଡନରେ ରହୁଥିବା ବେଳେ ଦୁହେଁ ସର୍ବଦା ତାଙ୍କ ପିଲାଙ୍କ ପ୍ରାଇଭେସିକୁ ଗୁରୁତ୍ବ ଦେଇ ଆସିଛନ୍ତି। ଅନେକଥର ବିରାଟ ତାଙ୍କ ପିଲାଙ୍କ ପ୍ରାଇଭେସି ରକ୍ଷା କରିବା ପାଇଁ ଗଣମାଧ୍ୟମକୁ ଅନୁରୋଧ କରିଛନ୍ତି। ଗଣମାଧ୍ୟମ ବି ବିରାଟଙ୍କ ଅନୁରୋଧ ରକ୍ଷା୍ କରିଛନ୍ତି। ଯେଉଁଥିପାଇଁ ବିରାଟ ଗଣମାଧ୍ୟମକୁ ଧନ୍ୟବାଦ ବି ଜଣାଇଥିଲେ।

ଅଧିକପଢ଼ନ୍ତୁ:ତାନ୍ତ୍ରିକଙ୍କ କଥାରେ ପଡ଼ି ସ୍ତ୍ରୀ ଓ ତିନିଜଣ ସନ୍ତାନକୁ ହତ୍ୟା କଲେ ସ୍ବାମୀ