ମୁମ୍ବାଇ: ରଣବୀର କପୁର-ଅାଲିଆ ଭଟ୍ଟଙ୍କ ଠାରୁ ନେଇ ବିରାଟ କୋହଲି-ଅନୁଷ୍କା ଶର୍ମା ପର୍ଯ୍ୟନ୍ତ ସେମାନଙ୍କ ପିଲାମାନଙ୍କର ଖୁବ୍ ନିଆରା ନାମକରଣ କରିଛନ୍ତି। ତେବେ ଆପଣ ଜାଣିବାକୁ ନିଶ୍ଚୟ ଚାହିଁବେ ଯେ ସେଲିବ୍ରିଟିମାନେ ସେମାନଙ୍କ ପିଲାମାନଙ୍କର କରିଥିବା ନାମକରଣର ଅର୍ଥ କ’ଣ।
Sambad is now on WhatsApp
Join and get latest news updates delivered to you via WhatsApp
ରଣବୀର ଓ ଆଲିଆଙ୍କ ଝିଅର ନାମ ହେଉଛି ରାହା। ଏହି ନାମ ଦେଇଛନ୍ତି ରଣବୀରଙ୍କ ମାଆ ନିତୁ କପୁର। ରାହା ନାମର ଅର୍ଥ ବିଭିନ୍ନ ଭାଷାରେ ଭିନ୍ନ ରହିଥିବା ବେଳେ ଆରବିକରେ ରାହାର ମାନେ ‘ଶାନ୍ତି’।
ଅଭିନେତ୍ରୀ ସୋନମ କପୁର ଓ ତାଙ୍କ ବ୍ୟବସାୟୀ ପତି ଆନନ୍ଦ ଆହୁଜା ନିଜ ପୁଅର ନାମ ବାୟୁ ରଖିଛନ୍ତି। ସୋନମଙ୍କ କହିବାନୁଯାୟୀ ବାୟୁ ହେଉଛି ପଞ୍ଚତତ୍ବ ଭିତରୁ ଅନ୍ୟତମ।
ଅଭିନେତ୍ରୀ ବିପାଶା ବସୁ ଓ ତାଙ୍କ ସ୍ବାମୀ କରଣ ସିଂହ ଗ୍ରୋଭର ନିଜ ଝିଅର ନାମ ଦେବୀ ରଖିଛନ୍ତି। ଦେବୀର ଅର୍ଥ ଆପଣଙ୍କୁ କହିବାର କୌଣସି ଆବଶ୍ୟକତା ହିଁ ନାହିଁ।
ବଲିଉଡ୍ ଟର୍ଣ୍ଣଡ୍ ହଲିଉଡ୍ ଅଭିନେତ୍ରୀ ପ୍ରିୟାଙ୍କା ଚୋପ୍ରା ଓ ତାଙ୍କ ସ୍ବାମୀ ନିକ୍ ଜୋନାସ୍ ନିଜ ଝିଅର ନାମ ମାଲତୀ ମ୍ୟାରି ରଖିଛନ୍ତି। ଏହି ନାମ ସେ ଦୁଇ ପରିବାରକୁ ଯୋଡ଼ି କରି ରଖିଛନ୍ତି। ମାଲତୀ ନାମ ପ୍ରିୟଙ୍କାଙ୍କ ମାଆ ମଧୁମାଲତୀ ଓ ମ୍ୟାରି ନାମ ନିକ୍ଙ୍କ ମାଆଙ୍କ ନାମ ଡେନିସ୍ ମେରି ମିଲର୍ ଜୋନ୍ସଙ୍କ ନାମରୁ ନିଆଯାଇଛି। ତେବେ ପିସିଙ୍କ ଝିଅର ନାମ ତାଙ୍କ ଜେଜେମାଆ ଓ ଆଈଙ୍କ ନାମର ମିଶ୍ରଣ।
ଅଭିନେତ୍ରୀ ଅନୁଷ୍କା ଶର୍ମା ଓ କ୍ରିକେଟ୍ ତାରକା ବିରାଟ କୋହଲି ସେମାନଙ୍କ ଝିଅର ନାମ ଭମିକା ରଖିଛନ୍ତି। ଆପଣ ଜାଣିଥାନ୍ତୁ ଯେ ଭମିକାର ଅର୍ଥ ହେଉଛି ମାଆ ଦୂର୍ଗା।