ଏହି ‘ଖାନ୍’ଙ୍କ ପାଇଁ ସୁପରଷ୍ଟାର୍ ହୋଇଛନ୍ତି ଅକ୍ଷୟ କୁମାର
ମୁମ୍ବାଇ: ବଲିଉଡର ଟପ୍ ଷ୍ଟାର୍ ଅକ୍ଷୟ କୁମାର ଆଜି କାହାପାଇଁ ସୁପରଷ୍ଟାର୍ ହୋଇଛନ୍ତି ତାହା ଜାଣନ୍ତି କି? ହଁ ସେ ଜଣେ ଅଭିନେତା-ନିର୍ମାତା-ନିର୍ଦ୍ଦେଶକଙ୍କ ପାଇଁ ଏହା ହୋଇଛନ୍ତି। ଆଉ ସେହି ବ୍ୟକ୍ତଜଣକ ହେଉଛନ୍ତି ଅରବାଜ୍ ଖାନ୍। ଏକଥା ନିଜେ ଅରବାଜ୍ କହିଛନ୍ତି। ନିକଟରେ ସେ କହିଛନ୍ତି ଯେ ନିର୍ଦ୍ଦେଶକ ଯୋଡି ଅବ୍ଦାସ୍-ମସ୍ତାନ୍ ତାଙ୍କୁ ପ୍ରଥମେ ଫିଲ୍ମ‘ ଖିଲାଡି’ରେ ଅକ୍ଷୟ କୁମାର କରିଥିବା ଭୂମିକାର ଅଫର୍ ଦେଇଥିଲେ। ମାତ୍ର ଡେଟସ୍ ସମସ୍ୟା ହେତୁ ସେହି ଅଫରକୁ ହାତଛଡ଼ା କରିଥିଲେ ଅରବାଜ୍ ଖାନ୍। ପରେ ସେହି ଭୂମିକାଟି ମିଳିଥିଲା ଅକ୍ଷୟ କୁମାରଙ୍କୁ।
Sambad is now on WhatsApp
Join and get latest news updates delivered to you via WhatsApp
ସବୁଠୁ ଦୁର୍ଭାଗ୍ୟର ବିଷୟ ହେଉଛି ଯେ ଯେଉଁ ସିନେମାଲାଗି ଅରବାଜ୍ ଖାନ ‘ଖିଲାଡି’ର ଅଫରକୁ ହାତଛଡ଼ା କରିଥିଲେ ତାହା କେବେ ବି ଫ୍ଲୋରକୁ ଯାଇ ନଥିଲା। ଏଥିପାଇଁ ଆଜି ବି ଅନୁତାପ କରନ୍ତି ଅଭିନେତା-ନିର୍ମାତା-ନିର୍ଦ୍ଦେଶକ ଅରବାଜ୍ ଖାନ୍। ଏହାପରେ ଅବଶ୍ୟ ନିର୍ଦ୍ଦେଶକ ଯୋଡି ଅବ୍ଦାସ୍-ମସ୍ତାନ୍ଙ୍କ ନିର୍ଦ୍ଦେଶିତ ‘ଦରାର୍’ରେ କାମ କରିଥିଲେ ଅରବାଜ୍ ଖାନ୍। ‘ଖିଲାଡି’ ରିଲିଜ୍ ହେବାପରେ ଅକ୍ଷୟ କୁମାର ଷ୍ଟାରଡମ୍ ହାସଲ କରିଥିଲେ ।