ମା’ଙ୍କ ମୃତ୍ୟୁ ବାର୍ଷିକୀରେ ଦୁଃଖଭରା ଚିଠି ଲେଖିଲେ ଅର୍ଜୁନ କପୁର
ମୁମ୍ବାଇ : ବଲିଉଡର ପ୍ରଥମ ମହିଳା ସୁପରଷ୍ଟାର ଶ୍ରଦେବୀଙ୍କ ମୃତ୍ୟୁ ପରେ ଦୁଇ ସାବତ ଭଉଣୀ ଜାହ୍ନବୀ କପୁର ଏବଂ ଖୁସୀ କପୁରଙ୍କ ଧ୍ୟାନ ରଖିବା ଆରମ୍ଭ କରିଛନ୍ତି ଅର୍ଜୁନ କପୁର । ଅର୍ଜୁନଙ୍କୁ ଏହି କାମରେ ତାଙ୍କ ସାଥ୍ ଦେଇଛନ୍ତି ତାଙ୍କ ଭଉଣୀ ଅଂଶୁଲା କପୁର ।
ସବୁ ରାଗକୁ ଭୁଲି ସେ ସାବତ ଭଉଣୀଙ୍କ ଯତ୍ନ ନେବା ଆରମ୍ଭ କରିଛନ୍ତି । ଏତେ ସବୁ ପରେ ମଧ୍ୟ ସେ ନିଜ ମା’ ମୋନା କପୁରଙ୍କୁ ଭୁଲି ନାହାନ୍ତି । ମା’ଙ୍କ ମୃତ୍ୟୁ ବାର୍ଷିକୀରେ ଅର୍ଜୁନ ଇନ୍ଷ୍ଟାଗ୍ରାମରେ ଏକ ଫଟୋ ଅପ୍ଲୋଡ଼ କରି ଆଖିରେ ଲୁହ ଆଣିବା ଭଳି କଥା ଲେଖିଛନ୍ତି ।
Sambad is now on WhatsApp
Join and get latest news updates delivered to you via WhatsApp
“ମୁଁ ଆଜି ପଟିଆଲାରେ ସୁଟିଂ କରୁଛି। ଯଦି ତମେ ଆଜି ଥାଆନ୍ତ ତା’ ହେଲେ ମୁଁ ସୁଟିଂ କରୁଥିବା ଲୋକେସନ କେତେ ସୁନ୍ଦର ତାହା ଫଟୋ ପଠାଇ ମୁଁ ତମକୁ ଦେଖାଇ ଥାଆନ୍ତି । ତମେ ମୋ ଫିଲ୍ମ ଦେଖି ପାରିଲ ନାହିଁ କି ମୋ ସହ ରେଡ଼୍ କାର୍ପେଟ୍ରେ ଚାଲି ପାରିଲ ନାହିଁ । ମୁଁ ବିଶ୍ୱାସ କରି ପାରୁ ନାହିଁ କି ତୁମର ଯିବା ୬ ବର୍ଷ ହୋଇ ଗଲାଣି । ଏହି ୬ ବର୍ଷ ମଧ୍ୟରେ ତମେ ମୋ ସଙ୍ଗେ ରହିବା ସହ ମୋ ଫିଲ୍ମ ସହ ଜଡ଼ିତ ରହିଛ । ଆମେ ଆମ ଜୀବନରେ କେତେ ଭଲ କାମ କରୁଛୁ ତାହା ତ ମୁଁ ଜାଣି ନାହିଁ, କିନ୍ତୁ ଯାହା ତମେ ଶିଖାଇଛ ଆମେ ସେହି ରାସ୍ତାରେ ଚାଲିବାକୁ ଚେଷ୍ଟା କରୁଛୁ।
ଏହା ସହ ଆମେ ତୁମକୁ ବହୁତ ଭଲ ପାଉ ବୋଲି ଲେଖି ସେ ତାଙ୍କ ମା’ଙ୍କ ସହ ଏକ ଫଟୋ ପୋଷ୍ଟ କରିଥିଲେ ।