ମୁମ୍ବାଇ: ଏକ କୋଟି ଟଙ୍କାର ଋଣ ପରିଶୋଧ ନ କରିବା ଯୋଗୁଁ ବଲିଉଡର ଜଣାଶୁଣା ଅଭିନେତା ଅର୍ଜୁନ ରାମପାଲଙ୍କ ବିରୁଦ୍ଧରେ ନ୍ୟାୟାଳୟର ଦ୍ୱାରସ୍ଥ ହୋଇଛନ୍ତି ଋଣଦାତା। ମିଳିଥିବା ସୂଚନା ଅନୁଯାୟୀ ଓ୍ଵାଇଟି ଏଣ୍ଟରଟେନ୍ମେଣ୍ଟଠାରୁ ଅର୍ଜୁନ ରାମପାଲ ୨୦୧୮ ମଇ ମାସରେ ଏକ କୋଟି ଟଙ୍କା ଋଣ ନେଇଥିଲେ। ବାର୍ଷିକ ୧୨ ପ୍ରତିଶତ ସୁଧହାରରେ ୯୦ ଦିନ ଭିତରେ ସମସ୍ତ ଋଣ କରିବେ ବୋଲି ପ୍ରତିଶ୍ରୁତି ଦେଇଥିଲେ।
Sambad is now on WhatsApp
Join and get latest news updates delivered to you via WhatsApp
କଂପାନିର ଓକିଲ ଅରୂପ ଦାସଗୁପ୍ତାଙ୍କ କହିବା ଅନୁଯାୟୀ ଅର୍ଜୁନ ରାମପାଲ ଗତ ଅଗଷ୍ଟ ୨୩ ତାରିଖରେ ଓ୍ଵାଇ ଟି ଏଣ୍ଟରଟେନମେଣ୍ଟ୍କୁ ପୋଷ୍ଟଡେଟେଡ ଚେକ୍ (ପିଡିସି) ଦେଇଥିଲେ। ସେହି ଚେକ୍ ବ୍ୟାଙ୍କ୍ରେ ଜମା କରାଯିବାପରେ ତାହା ବାଉନ୍ସ ହୋଇଥିଲା। ଏହାପରେ ଗତ ବର୍ଷ ଅକ୍ଟୋବର ମାସରେ ଅର୍ଜୁନ ରାମପାଲଙ୍କ ବିରୁଦ୍ଧରେ ଅପରାଧିକ ମାମଲା ରୁଜ୍ଜୁ କରାଯାଇଥିଲା।
ଅଭିନେତା ଅର୍ଜୁନ ରାମପାଲଙ୍କୁ ୧୮୮୧ର ଧାରା ୧୩୮ ଅନୁଯାୟୀ ଓକିଲ ନୋଟିସ ଦିଆଯାଇଥିଲା। ଏଥିରେ ତାଙ୍କୁ ୧୪ ଦିନ ଭିତରେ ସୁଧ ସହିତ ମୂଳ ଋଣ ଫେରାଇବାକୁ କୁହାଯାଇଥିଲା। ମାତ୍ର ଅର୍ଜୁନ ଅର୍ଥ ଫେରସ୍ତ କରି ନଥିଲେ। ଅର୍ଜୁନ ରାମପାଲ ଏଯାବତ୍ ମାତ୍ର ୭ଲକ୍ଷ ୫୦ ହଜାର ଟଙ୍କା ଫେରସ୍ତ କରିଛନ୍ତି।