ଗର୍ଭବତୀ ଥିବାର ମିଥ୍ୟା ଖବର ଦେଇଥିଲେ କ୍ରିତିକା

ନୂଆଦିଲ୍ଲୀ: ପ୍ରସିଦ୍ଧ ୟୁଟ୍ୟୁବର୍ ଅରମାନ ମଲିକ ପୁଣିଥରେ ବାପା ହେବାକୁ ଯାଉଥିବା କଥା ଚର୍ଚ୍ଚାକୁ ଆସିଛି। କାରଣ ନିକଟରେ ତାଙ୍କର ଦ୍ବିତୀୟ ସ୍ତ୍ରୀ ଅର୍ଥାତ କ୍ରିତିକାଙ୍କ ଏକ ଭିଡିଓ ସାମ୍ନାକୁ ଆସିଛି। ଯେଉଁଥିରେ ସେ ନିଜ ମୁହଁରେ ଅନ୍ତସତ୍ତ୍ବା ଥିବା କଥା ପରିବାରର ପ୍ରତ୍ୟେକ ସଦସ୍ୟଙ୍କୁ ବୁଲିବୁଲି କହୁଥିବା ଶୁଣିବାକୁ ମିଳୁଛି। କ୍ରିତିକାଙ୍କ ଏହି ଭିଡିଓ ଭାଇରାଲ ହୋଇଯାଇଛି।

ଭାଇରାଲ ହୋଇଥିବା ଭିଡିଓରେ ଏହା ଦେଖିବାକୁ ମିଳୁଛି କି, କ୍ରିତିକା ପ୍ରଥମେ ଖୁସିର ସହ ଅରମାନକୁ ପୁଣିଥରେ ମା’ ହେବାର ଖୁସି ଖବର ସମ୍ପର୍କରେ ଜଣାଇଥିଲେ । ଏହାପରେ ଘରେ ବୁଲିବୁଲି ସମସ୍ତଙ୍କୁ ଏହାର  ସୂଚନା ଦେଇଥି‌ଲେ । ସମସ୍ତେ କ୍ରିତିକାଙ୍କ ଠାରୁ ଏଭଳି ଖବର ପାଇ ଖୁସି ହୋଇଯାଇଥିଲେ। ‌

ଶେଷରେ କ୍ରିତିକା ପାୟଙ୍କୁ ଗର୍ଭଧାରଣ ବିଷୟରେ ଜଣାଇଥିଲେ। ପାୟଲ ତାଙ୍କୁ ଶୁଭେଚ୍ଛା ଜଣାଇବା ସହ ପ୍ରଥମେ ତାଙ୍କୁ କାହିଁକି କହିଲେ ନାହିଁ ସେଥିପାଇଁ ଗାଳି ବି କରିଥିଲେ। ତେବେ ଏହି ଭିଡିଓ ଭାଇରାଲ ହୋଇଯିବା ପରେ କ୍ରିତିକା ଟ୍ରୋଲ ହୋଇଥି‌ଲେ। ଏହାପରେ ସେ ଗର୍ଭବତୀ ଥିବା ଖବରକୁ ମିଛରେ ସମସ୍ତଙ୍କୁ କହିଥିବା କଥା କହିଥିଲେ। କାରଣ ସେ ଏପରି କହିବା ଦ୍ବାରା ସମସ୍ତଙ୍କ କ’ଣ ପ୍ରତିକ୍ରିୟା ରହୁଛି ତାହା ଜାଣିବାକୁ ଚାହୁଁଥିଲେ।

ପୂର୍ବରୁ ପ୍ରଥମ ସ୍ତ୍ରୀ ପାୟଲ ଓ ଆରମାନଙ୍କ ତିନିଟି ସନ୍ତାନ ଅଛନ୍ତି। ଏଥିସହିତ ଆରମାନ ଓ ଦ୍ବିତୀୟ ସ୍ତ୍ରୀ କ୍ରିତିକା ମଧ୍ୟ ନିକଟରେ ଏକ ପୁତ୍ର ସନ୍ତାନକୁ ଜନ୍ମ ଦେଇଥିଲେ। ନିକଟରେ ଅରମାନ ୪ସନ୍ତାନର ବ‌ାପା ହୋଇଥିବା ଖବରକୁ ନେଇ ଚର୍ଚ୍ଚା ଜୋର ବି ଧରିଥିଲା।