୨ବର୍ଷ ପର୍ଯ୍ୟନ୍ତ କାମ ମିଳୁ ନଥିବାରୁ ଅବସାଦଗ୍ରସ୍ତ ହୋଇ ଯାଇଥିଲେ ବିଗ୍ ବସ୍ ପ୍ରତିଯୋଗୀ ଆର୍ତୀ
ମୁମ୍ବାଇ : ସୋ’ର ବିଷୟବସ୍ତୁକୁ ନେଇ ବିବାଦରେ ରହିଛି ରିୟାଲିଟି ସୋ’ ବିଗ୍ ବସ୍ ସିଜିନ୍-୧୩ । ସୋ’ରେ ପୁଅ-ଝିଅ ଗୋଟେ ଖଟରେ ଶୋଇବା ହେଉ ବା ସୋ’ ଖେଳାଯାଉଥିବା ଖେଳ, ସବୁରେ ଅଶ୍ଲୀଳତା ଭରି ରହିଛି ବୋଲି ଲୋକେ ସୋ’କୁ ବନ୍ଦ କରିବାକୁ ଦାବି କରିବାରେ ଲାଗିଛନ୍ତି । ଏହା ସହ ପ୍ରତିଯୋଗୀମାନଙ୍କ ବ୍ୟକ୍ତିଗତ ଜୀବନକୁ ନେଇ ହେଉଥିବା ଖୁଲାସା ମଧ୍ୟ ସୋ’ଟି ଚର୍ଚ୍ଚାରେ ରହିଛି । ପ୍ରତିଯୋଗୀ ଆର୍ତୀ ସିଂହ ଏବେ ନିଜର ଅବସାଦଗ୍ରସ୍ତ ସମୟର କଥାକୁ ସେୟାର କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ତାଙ୍କ ଅନୁଯାୟୀ, ଗୋଟେ ସମୟରେ ମୁଁ ଅନେକ ବଡ଼ ବଡ଼ ସୋ’ରେ କାମ କରିବା ସହ ସମସ୍ତେ ମୋତେ ଭଲ ଅଭିନେତ୍ରୀ ଭାବେ ଜାଣିଥିଲେ । କିନ୍ତୁ ଧିରେ ଧିରେ ମୋତେ କାମ ମିଳିବା ବନ୍ଦ ହୋଇ ଯାଇଥିଲା । ଲଗାତାର ୨ବର୍ଷ ପର୍ଯ୍ୟନ୍ତ ମୋତେ କାମ ମିଳି ନଥିଲା । ଯାହା ପାଇଁ ମୁଁ ଅବସାଦଗ୍ରସ୍ତ ହୋଇ ଯାଇଥିଲି । ରାତି ଅଧରେ ଉଠି ଘର ଲୋକଙ୍କୁ ଫୋନ କରିବା ସହ ମୋର ଏହି ସମସ୍ୟା ପାଇଁ ଭଲ ବିବାହ ପ୍ରସ୍ତାବ ଭାଙ୍ଗି ଯାଇଥିଲା । କିନ୍ତୁ ସମୟ ସହ ସବୁ ବଦଳିଥିଲା ।